News Continuous Bureau | Mumbai
National Stock Exchange: દેશના સૌથી મોટા સ્ટોક એક્સચેન્જ નેશનલ સ્ટોક એક્સચેન્જે જાહેરાત કરી છે કે તે ફરી એકવાર શનિવાર, મે 18, 2024 ના રોજ એક વિશેષ લાઈવ ટ્રેડિંગ સત્રનું ( live trading session ) આયોજન કરશે. ઇક્વિટી તેમજ ઇક્વિટી ડેરિવેટિવ્ઝ સેગમેન્ટ બંનેમાં વિશેષ લાઈવ ટ્રેડિંગ સત્ર યોજાશે. આ વિશેષ લાઈવ સત્રનો હેતુ કોઈપણ મોટા અવરોધ અથવા નિષ્ફળતાની પરિસ્થિતિનો સામનો કરવા માટેની તૈયારીનું મૂલ્યાંકન કરવાનો છે.
આ વિશેષ લાઈવ ટ્રેડિંગ સત્ર દરમિયાન, પ્રાથમિક સાઇટને બદલે ડિઝાસ્ટર રિકવરી સાઇટનો ઉપયોગ કરવામાં આવશે. જો કટોકટી દરમિયાન પ્રાથમિક ડેટા સેન્ટર અનુપલબ્ધ હોય તો ટેક્નોલોજી ઇન્ફ્રાસ્ટ્રક્ચર અને કામગીરીને પુનઃસ્થાપિત કરવા માટે ડિઝાસ્ટર રિકવરી સાઇટનો ઉપયોગ કરવામાં આવે છે.
National Stock Exchange: વિશેષ લાઈવ ટ્રેડિંગ સત્ર બે સેશનમાં આયોજિત કરવામાં આવશે..
નેશનલ સ્ટોક એક્સચેન્જે એક નિવેદનમાં આ અંગે કહ્યું હતું કે, વિશેષ લાઈવ ટ્રેડિંગ સત્ર બે સેશનમાં આયોજિત કરવામાં આવશે. પ્રથમ સત્ર સવારે 9:15 થી સવારે 10 વાગ્યા સુધી પ્રાઈમરી સાઈટથી અને બીજું સત્ર સવારે 11:30 થી બપોરે 12:30 સુધી ડિઝાસ્ટર રિકવરી સાઇટથી આયોજિત રહેશે. આ વિશેષ સત્ર દરમિયાન, તમામ સિક્યોરિટીઝ કે જેમાં ડેરિવેટિવ પ્રોડક્ટ્સ ઉપલબ્ધ છે તેની મહત્તમ પ્રાઇસ બેન્ડ 5 ટકા હશે. જે શેર 2 ટકાના નીચલા બેન્ડમાં છે તે જ બેન્ડમાં રહેશે.
આ સમાચાર પણ વાંચો : Today’s Horoscope : આજે ૦૮ મે ૨૦૨૪, જાણો આજનું રાશિ ભવિષ્ય અને પંચાંગ
NSE એ જણાવ્યું હતું કે, તે 18 મે, 2024 શનિવારના રોજ ઇક્વિટી અને ઇક્વિટી ડેરિવેટિવ્ઝમાં ( Equity Derivatives ) પ્રાઈમરી સાઇટથી ડિઝાસ્ટર રિકવરી સાઇટ પર ટ્રેડિંગના સંક્રમણ સાથે વિશેષ લાઇવ ટ્રેડિંગ સત્રનું આયોજન કરશે. જો કે આ અગાઉ NSE અને BSEએ 2 માર્ચે સમાન ટ્રેડિંગ સેશન યોજ્યા હતા.
National Stock Exchange: સેબી અને તેમની ટેકનિકલ એડવાઇઝરી કમિટી સાથે ચર્ચાના આધારે આ સત્રોનું આયોજન કરવામાં આવી રહ્યું છે…
સ્ટોક માર્કેટ ( Stock Market ) રેગ્યુલેટર સેબી અને તેમની ટેકનિકલ એડવાઇઝરી કમિટી સાથે ચર્ચાના આધારે આ સત્રોનું આયોજન કરવામાં આવી રહ્યું છે. તેનો ઉદ્દેશ સ્ટોક માર્કેટ ઇન્ફ્રાસ્ટ્રક્ચર સંસ્થાઓની સજ્જતાનું મૂલ્યાંકન કરવાનો અને તેમની કામગીરીને અસર કરતી કોઈપણ અણધારી ઘટનાને નિયંત્રિત કરવાનો છે, જેથી નિર્ધારિત સમયની અંદર ડિઝાસ્ટર રિકવરી સાઇટ ( Disaster recovery site ) દ્વારા કામગીરી પુનઃસ્થાપિત કરી શકાય. સામાન્ય રીતે, પ્રાથમિક સાઈટ પર કોઈ મોટી સમસ્યા અથવા નિષ્ફળતાના કિસ્સામાં વ્યાપાર સાતત્યની ખાતરી કરવા માટે DR સાઇટનો ઉપયોગ કરવામાં આવે છે.
(ડિસ્ક્લેમરઃ અહીં રજૂ કરવામાં આવેલી માહિતી અન્ય મિડીયા પ્રેલટફોર્મ પર પણ ઉપલબ્ધ છે તેમજ તેની સત્યતા સંદર્ભે અમે કોઈ દાવો કરતા નથી. કોઈપણ રોકાણ કરતા પહેલા ફાઈનાન્શિયલ એડવાઈઝરની સલાહ ચોક્કસ લો.)
આ સમાચાર પણ વાંચો : Janhvi kapoor: શું શિખર પહાડિયા સાથે તિરૂપતિ માં લગ્ન કરશે જ્હાન્વી કપૂર? અભિનેત્રી એ આપ્યો આવો જવાબ
