News Continuous Bureau | Mumbai 

One Vehicle, One FASTag: વન વ્હીકલ, વન ફાસ્ટેગની પહેલ માટે સરકારે આ સ્કીમની સમયમર્યાદા લંબાવી છે. નેશનલ હાઈવે ઓથોરિટી ઓફ ઈન્ડિયા ( NHAI ) એ આ સમયમર્યાદા વધારીને હવે 31 માર્ચ, 2024 કરી છે. અગાઉ આ પહેલની છેલ્લી તારીખ 29મી ફેબ્રુઆરી જાહેર કરવામાં આવી હતી. પરંતુ, Paytm કટોકટીને ધ્યાનમાં રાખીને સરકારે વન વ્હીકલ, વન ફાસ્ટેગની સમયમર્યાદા વધારી દીધી છે. 

NHAI એ Paytm ફાસ્ટેગ વપરાશકર્તાઓ ( FASTag users ) દ્વારા ચૂકવણીની સમસ્યાઓનો સામનો કરવાને કારણે વન વ્હીકલ, વન ફાસ્ટેગની સમયમર્યાદા ( deadline ) લંબાવી છે. વન વ્હીકલ, વન ફાસ્ટેગની પહેલ ફેબ્રુઆરીની શરૂઆતથી શરૂ કરવામાં આવી હતી અને તેને ફેબ્રુઆરીના અંત સુધીમાં પૂર્ણ કરવાની મર્યાદા રાખવામાં આવી હતી. જો કે, Paytm વપરાશકર્તાઓને ચૂકવણી કરવામાં મુશ્કેલીનો સામનો કરવો પડી રહ્યો હોવાને કારણે સરકારે આ પહેલની સમયમર્યાદા વધુ એક મહિનો લંબાવી છે.

 આ નિયમને કારણે NHAI ઈલેક્ટ્રોનિક ટોલ કલેક્શન સિસ્ટમમાં ( electronic toll collection system ) સુધારો કરવા માંગે છે..

ઉલ્લેખનીય છે કે, કેન્દ્ર સરકાર દ્વારા તમામ વાહનો માટે વન વ્હીકલ, વન ફાસ્ટેગ યોજના બહાર પાડવામાં આવી છે. તેનો હેતુ બહુવિધ વાહનો પર સમાન ફાસ્ટેગનો ઉપયોગ કરવાની પ્રક્રિયાને રોકવાનો છે. આ ઉપરાંત, સરકાર એક જ વાહન પર બહુવિધ ફાસ્ટેગના ઉપયોગને રોકવાનો પણ હેતુ ધરાવે છે. આ નિયમને કારણે NHAI ઈલેક્ટ્રોનિક ટોલ કલેક્શન સિસ્ટમમાં સુધારો કરવા માંગે છે. લોકોને ટોલ પરના ટ્રાફિકમાંથી પણ રાહત મળે તેવી અપેક્ષા છે.

આ સમાચાર પણ વાંચો :  Maharashtra: શરદ પવારે CM શિંદેને ભોજન માટે બોલાવ્યા; દેવેન્દ્ર ફડણવીસ-અજિત પવારને પણ આમંત્રણ આપ્યું..

લોકોની સમસ્યાઓને સમજીને NHAIએ KYCની સમયમર્યાદા માર્ચના અંત સુધી હવે લંબાવી છે. આ નિયમની માન્યતા પહેલા 29 ફેબ્રુઆરીએ સમાપ્ત થઈ રહી હતી. પરંતુ, હવે FASTag યુઝર્સ 31મી માર્ચ સુધી KYC કરાવી શકશે. જો કે, આ નિયમની મદદથી, એક જ વાહનમાં એક જ ફાસ્ટેગ વાપરી શકાશે..