News Continuous Bureau | Mumbai
દેશના સૌથી મોટા ડિજિટલ પેમેન્ટ પ્લેટફોર્મ PhonePe એ તેના યુઝર્સ માટે એક નવી સુવિધા લોન્ચ કરી છે. PhonePeમાં ઉમેરાયેલા આ નવા ફીચરની મદદથી યુઝર્સ માત્ર ભારતમાં જ નહીં પરંતુ અન્ય દેશોમાં પણ મુસાફરી કરતી વખતે UPI દ્વારા સરળતાથી પેમેન્ટ કરી શકશે. એટલે કે PhonePe હવે તમને વિદેશમાં (UPI ઇન્ટરનેશનલ) ટ્રાન્ઝેક્શન કરવામાં પણ મદદ કરશે. આપને જણાવી દઈએ કે PhonePe પહેલી એવી કંપની બની ગઈ છે જેણે યુઝર્સ માટે આ ઉપયોગી ફીચર લોન્ચ કર્યું છે.
એપ્લિકેશન વપરાશકર્તાઓ હવે તેમના ભારતીય બેંક ખાતાઓનો ઉપયોગ કરીને સંયુક્ત આરબ અમીરાત, સિંગાપોર, નેપાળ અને ભૂટાનના વેપારી આઉટલેટ્સ પર ચુકવણી કરી શકે છે. વપરાશકર્તાઓ હવે આંતરરાષ્ટ્રીય ડેબિટ કાર્ડની જેમ તેમના બેંક ખાતામાંથી સીધા જ વિદેશી ચલણની ચુકવણી કરી શકશે.
કેવી રીતે કામ કરશે?
UPI ઈન્ટરનેશનલ પેમેન્ટ કરવા માટે, PhonePe યુઝરને સૌથી પહેલા એપ સાથે લિંક કરેલ તેના UPI સાથે જોડાયેલા બેંક એકાઉન્ટને એક્ટિવેટ કરવું પડશે. કંપનીએ જણાવ્યું કે આ ફીચર ટ્રીપ પર જતા પહેલા અથવા લોકેશન પર પહોંચ્યા પછી પણ કરી શકાય છે. આ સેવાને સક્રિય કરવા માટે, ફક્ત વપરાશકર્તાએ તેનો UPI પિન દાખલ કરવાની જરૂર પડશે.
આ સમાચાર પણ વાંચો: BBC ડોક્યુમેન્ટ્રીને લઈને બ્રિટનમાં ફરી રાજકારણ ગરમાયું, હવે આ બ્રિટિશ સાંસદે આપ્યું મોટું નિવેદન, ગણાવ્યું ‘ખરાબ પત્રકારત્વ’..
UPI ઈન્ટરનેશનલને નેશનલ પેમેન્ટ્સ કોર્પોરેશન ઓફ ઈન્ડિયાના ક્રોસ બોર્ડર આર્મ દ્વારા રજૂ કરવામાં આવ્યું છે. જે વિદેશમાં ભારતીય ડાયસ્પોરા માટે UPI ટ્રાન્ઝેક્શનને સરળ બનાવી શકે છે. ભારતીય રિઝર્વ બેંકે ભારતમાં રહેતા તમામ પ્રવાસીઓને તેમની વેપારી ચુકવણીઓ માટે UPI નો ઉપયોગ કરવાની મંજૂરી આપવાનો પ્રસ્તાવ મૂક્યો છે.
કેન્દ્રીય ઈલેક્ટ્રોનિક્સ અને આઈટી મંત્રી અશ્વિની વૈષ્ણવે કહ્યું, ‘ભારત UPI માટે લગભગ 30 દેશો સાથે પહેલેથી જ ચર્ચામાં છે’, જે ભારતીયો માટે ખુશીની વાત છે. મહત્ત્વની વાત એ છે કે, NCPI ડેટા અનુસાર, PhonePay એ ડિસેમ્બર 2022 થી અત્યાર સુધીમાં રૂ. 6.39 લાખ કરોડના 367.42 કરોડ વ્યવહારોની પ્રક્રિયા કરી છે. જેથી સરકાર આ અંગે સકારાત્મક પગલા લેવા જઈ રહી છે.
