News Continuous Bureau | Mumbai
RBI Cyber Fraud Bank Account Rules દેશમાં સતત વધી રહેલા ઓનલાઇન નાણાકીય ગુનાઓ અને મનીમ્યુલ એકાઉન્ટ્સ પર કડક લગામ લગાવવા માટે ભારતીય રિઝર્વ બેન્ક (RBI) એ કડક માર્ગદર્શિકા સાથેનો નવો ડ્રાફ્ટ ફ્રેમવર્ક પ્રસ્તાવિત કર્યો છે. સુપ્રીમ કોર્ટના આદેશ બાદ તૈયાર કરાયેલા આ નિયમો અનુસાર, સાયબર ફ્રોડ કે ગેરકાયદે મની ટ્રેઇલ સાથે સંકળાયેલા શંકાસ્પદ બેન્ક ખાતાઓમાં થતા વ્યવહારો પર તાત્કાલિક અસરથી ટેમ્પરરી ડેબિટ હોલ્ડ (રોક) લગાવવામાં આવશે. જોકે સામાન્ય નાગરિકોને રાહત આપતા આ વખતે સમગ્ર બેન્ક ખાતું સીલ કરવાને બદલે માત્ર શંકાસ્પદ રકમ પર જ રોક લગાવવામાં આવશે અને ખાતાધારકને પોતાના વ્યવહારની સત્યતા પુરવાર કરવા માટે ૨૦ દિવસનો સમય આપવામાં આવશે.
RBI Cyber Fraud Bank Account Rules – શંકાસ્પદ વ્યવહારોની સ્પષ્ટતા માટે ખાતાધારકને ૨૦ દિવસની મહેતલ
આરબીઆઈના પ્રસ્તાવિત નિયમો મુજબ જ્યારે કોઈ બેન્ક ખાતામાં સાયબર ઠગાઈ કે મની-મ્યુલ ગતિવિધિની શંકા જણાશે, ત્યારે બેન્ક તે રકમના ઉપાડ કે ટ્રાન્સફર પર તાત્કાલિક ડેબિટ રોક લગાવી દેશે. આ સાથે બેન્કે સંબંધિત ગ્રાહકને નોટિસ પાઠવીને ૨૦ કેલેન્ડર દિવસમાં નાણાંના સોર્સ અને ટ્રાન્ઝેક્શનની કાયદેસરતા અંગે જરૂરી પુરાવા રજૂ કરવા જણાવવું પડશે. ગ્રાહક તરફથી દસ્તાવેજો મળ્યા બાદ બેન્કે ૧૦ દિવસમાં તપાસ કરીને આ રોક હટાવવી કે આગળ વધારવી તેનો આખરી નિર્ણય લેવાનો રહેશે.
RBI Cyber Fraud Bank Account Rules – આખું ખાતું ફ્રીઝ થવાને બદલે માત્ર વિવાદાસ્પદ રકમ પર જ રોક
અત્યાર સુધી સાયબર ક્રાઈમની નાની ફરિયાદમાં પણ પોલીસ કે તપાસ એજન્સીઓના નિર્દેશ પર નિર્દોષ લોકોના આખેઆખા બેન્ક એકાઉન્ટ્સ ફ્રીઝ કરી દેવાતા હતા, જેના કારણે લોકોને રોજિંદા ખર્ચ માટે પણ પૈસા વાપરવામાં ભારે હાલાકી ભોગવવી પડતી હતી. નવા ડ્રાફ્ટમાં સ્પષ્ટ જોગવાઈ કરવામાં આવી છે કે માત્ર વિવાદિત કે શંકાસ્પદ રકમ પર જ ટેમ્પરરી હોલ્ડ લાગશે, જ્યારે ખાતામાં રહેલી બાકીની કમાણીનો ઉપયોગ ગ્રાહક નિયમિત રીતે કરી શકશે. આનાથી સાયબર છેતરપિંડીનો ભોગ બનેલા કે અજાણતા મની ચેઈનમાં ફસાયેલા સામાન્ય ગ્રાહકોને મોટી રાહત મળશે.
RBI Cyber Fraud Bank Account Rules – પોલીસ પોર્ટલ પર રિપોર્ટિંગ અને મહત્તમ સમયમર્યાદા
જો સંબંધિત ખાતાધારક ૨૦ દિવસમાં સંતોષકારક જવાબ નહીં આપે અથવા ફ્રોડની પુષ્ટિ થશે, તો બેન્ક નેશનલ સાયબર ક્રાઇમ રિપોર્ટિંગ પોર્ટલ (NCRP) મારફતે સ્થાનિક પોલીસ સત્તાવાળાઓને આ કેસ સોંપશે. પોલીસ કે તપાસ એજન્સીઓ તરફથી આગળની કાનૂની કાર્યવાહી ન થાય ત્યાં સુધી આ ડેબિટ હોલ્ડ મહત્તમ ૬૦ દિવસ સુધી જ જાળવી શકાશે. આરબીઆઈ આ નવી સ્ટાન્ડર્ડ ઓપરેટિંગ પ્રોસિજર (SOP) તમામ કોમર્શિયલ, કો-ઓપરેટિવ અને પેમેન્ટ બેન્કોમાં તબક્કાવાર લાગુ કરવાની તૈયારી કરી રહી છે.
👉 આ સમાચાર વાચો:
Saudi Arabia Houthi Attacks સાઉદી અરેબિયા પર હૂતી વિદ્રોહીઓનો મોટો હુમલો ૬ શહેરોમાં હાઈ એલર્ટ, ઓઈલ પાઈપલાઈન બંધ થતાં ઊર્જા સંકટ ઘેરાયું
