ન્યુઝ કન્ટિન્યુઝ બ્યુરો
મુંબઈ, 23 નવેમ્બર 2021
મંગળવાર.
સહકારી મંડળીઓને તેમના નામમાં બેન્ક શબ્દનો ઉપયોગ કરવા સામે ચેતવણી આપી છે. દેશમાં અનેક સહકારી મંડળીઓ છે જેઓ પોતાના નામમાં બેન્ક શબ્દનો ઉપયોગ કરે છે. રિઝર્વ બેન્ક ઓફ ઈન્ડિયા (RBI)એ આ મુદ્દે ચેતવણી આપીને લોકોને સતર્ક કર્યા છે.
RBI બહાર પાડેલી સૂચના મુજબ સહકારી મંડળીઓ તેમના નામમાં બેન્ક શબ્દનો ઉપયોગ કરી શકે નહીં. બેન્કિંગ રેગ્યુલેશન એક્ટ 1949નું વિસ્તરણ કરાયા પછી કોઈ પણ બેન્ક, બેન્કર કે બેન્કિંગ શબ્દનો ઉપયોગ કરી શકે નહીં. પરંતુ જો સહકારી મંડળીઓએ રિઝર્વ બેન્કની પહેલાથી મંજૂરી લીધી હશે તો તેમને બીઆર એક્ટ. 1949 હેઠળ છૂટ આપવામાં આવશે. બેન્કિંગ રેગ્યુલેશન એક્ટમાં કરાયેલા ફેરફાર 20 સપ્ટેમ્બર 2020થી લાગુ થઈ ચૂકયા છે.
શેરબજારમાં કડાકો છતાં આ છ કંપનીઓને IPO બહાર પાડવા SEBIએ આપી મંજૂરી. જાણો વિગત.
RBIના કહેવા મુજબ અનેક સહકારી મંડળીઓ વિરુદ્ધ ફરિયાદ આવી છે, જેમાં તેઓ પોતાના નામમાં બેન્કનો ઉપયોગ કરતા હોવાનું જણાયું છે. તેથી RBIએ લોકોને ચેતવણી આપી છે કે આવી સહકારી મંડળીઓ પાસે બેન્કિંગ રેગ્યુલેશન એકટ હેઠળનું લાયસન્સ કે બેન્કિગ બિઝનેસ કરવાની સત્તા હોતી નથી. તેમ જ આવી મંડળીઓમાં જમા કરાતી ડિપોઝીટ પર પણ તેમની પાસે ડિપોઝિટ ઇન્શ્યોરન્સ એન્ડ ક્રેડિટ ગેરંટી કોર્પોરેશનનું વીમાકવચ હોતું નથી. .તેથી લોકો પૈસા જમા કરાવતા પહેલા સર્તક રહેવું
