News Continuous Bureau | Mumbai
Retail Inflation CPI Data ભારતમાં જુલાઈ ૨૦૨૬ દરમિયાન છૂટક ફુગાવો (Retail Inflation) એટલે કે ગ્રાહક ભાવાંક (CPI) આધારિત મોંઘવારી દર વધીને ૪.૪૫ ટકા થયો છે, જે જૂન મહિનામાં ૪.૩૮ ટકા હતો. સરકારી આંકડાઓ અનુસાર, ખાદ્ય વસ્તુઓની (Food Items) કિંમતોમાં થયેલા વધારાને કારણે મોંઘવારી દર ભારતીય રિઝર્વ બેંકના (RBI) ૪ ટકાના મધ્યમ ગાળાના લક્ષ્યાંકથી ઉપર રહ્યો છે.
Retail Inflation CPI Data – ખાદ્ય વસ્તુઓના ભાવ વધતાં સામાન્ય ગ્રાહકો પર દબાણ
છૂટક ફુગાવામાં વધારો મુખ્યત્વે શાકભાજી અને દૈનિક વપરાશની ખાદ્ય સામગ્રીના ભાવ ઊંચા રહેવાને કારણે થયો છે. જૂનની સરખામણીએ જુલાઈમાં ફુગાવામાં ૦.૦૭ ટકાનો સામાન્ય વધારો નોંધાયો છે. રિઝર્વ બેંક ઓફ ઇન્ડિયાને (Reserve Bank of India) ફુગાવો ૪ ટકાના સ્તરે જાળવી રાખવાનો લક્ષ્યાંક આપવામાં આવ્યો છે, જેમાં ૨ ટકાથી ૬ ટકાની સહનશીલ સીમા (Tolerance Band) નક્કી કરવામાં આવી છે.
Retail Inflation CPI Data – બજારના અંદાજ કરતાં ફુગાવાના આંકડા સહેજ નીચા રહ્યા
આંકડાકીય રીતે મોંઘવારી દરમાં વધારો થયો હોવા છતાં, તે રોકાણકારો અને બજાર નિષ્ણાતોના અંદાજ કરતાં સહેજ નીચો રહ્યો છે. રોયટર્સ દ્વારા હાથ ધરાયેલા પોલમાં (Reuters Poll) જુલાઈ માટે ૪.૫૦ ટકા ફુગાવાની ધારણા રાખવામાં આવી હતી, જેની સરખામણીએ વાસ્તવિક આંકડો ૪.૪૫ ટકા આવ્યો છે. નવો સુધારેલો સીપીઆઈ સીરીઝ (Revised CPI Series) અમલમાં આવ્યા બાદ આ આંકડો સૌથી ઊંચા સ્તરે છે.
Retail Inflation CPI Data – નાણાકીય વર્ષ માટે આરબીઆઈનો અંદાજ અને ભવિષ્યની સ્થિતિ
ભવિષ્યના દ્રષ્ટિકોણથી રાહતની વાત એ છે કે રિઝર્વ બેંકે નાણાકીય વર્ષ ૨૦૨૬-૨૭ (FY 2026-27) માટે પોતાના ફુગાવાના અંદાજને ઘટાડીને ૫ ટકા કર્યો છે. નિષ્ણાતોના મતે, ત્રીજા ત્રિમાસિક ગાળા બાદ મોંઘવારી દરમાં નરમ વલણ જોવા મળી શકે છે. જો ખાદ્ય પદાર્થોનો પુરવઠો સામાન્ય રહેશે તો આગામી મહિનાઓમાં ગ્રાહકોને મોંઘવારીમાંથી થોડી રાહત મળવાની શક્યતા છે.
👉 આ સમાચાર વાચો:
Surat Doctor Suicide Case સુરત સિવિલ ડોક્ટર આત્મહત્યા કેસ ૨૪ કલાકમાં તપાસ પૂર્ણ; ૪ સીનિયર ડોક્ટરો સસ્પેન્ડ, HODને ‘શોકોઝ’ નોટિસ
