News Continuous Bureau | Mumbai
Rs. 2000 notes : જો તમે અત્યાર સુધી રૂ. 2000ની નોટ ( 2000 Notes ) બદલી શક્યા નથી તો રિઝર્વ બેન્કે ( RBI ) તમને મોટી રાહત આપી છે. સેન્ટ્રલ બેંકે ( Central Bank ) હવે 2000 રૂપિયાની નોટ બદલવાની સમયમર્યાદા 7 ઓક્ટોબર સુધી લંબાવી છે. આ સાથે હવે લોકોને નોટો બદલવા માટે એક સપ્તાહનો વધારાનો સમય મળ્યો છે.
અગાઉ રિઝર્વ બેંકે 2000 રૂપિયાની નોટ જમા ( Note deposit ) કરવા અથવા બદલવા માટે 30 સપ્ટેમ્બર એટલે કે આજ સુધીનો સમય આપ્યો હતો. એવી અટકળો હતી કે રિઝર્વ બેન્ક સમયમર્યાદા લંબાવી શકે છે. ખાસ કરીને એનઆરઆઈને ( NRI ) 2000 રૂપિયાની નોટ બદલવા માટે વધારાનો સમય આપવાની માંગ કરવામાં આવી હતી. રિઝર્વ બેંકના તાજેતરના પગલાથી એવા લોકો માટે મોટી રાહત થઈ છે જેઓ કોઈ કારણોસર બેંકોમાં 2000 રૂપિયાની નોટ જમા કરાવી શકતા ન હતા અને બદલી પણ શકતા ન હતા.
સેન્ટ્રલ બેંકે 30 સપ્ટેમ્બરે જારી કરેલી પ્રેસ રિલીઝમાં કહ્યું કે તેણે સમીક્ષાના આધારે એક સપ્તાહનો વધારાનો સમય આપવાનો નિર્ણય કર્યો છે. રિઝર્વ બેંકે રિલીઝમાં કહ્યું કે, ઉપાડની પ્રક્રિયાનો નિર્ધારિત સમય સમાપ્ત થવાનો છે. સમીક્ષાના આધારે એવો નિર્ણય લેવામાં આવ્યો છે કે 2000 રૂપિયાની નોટો જમા કરાવવા અથવા બદલવાની વર્તમાન સિસ્ટમ 7 ઓક્ટોબર, 2023 સુધી જાળવી રાખવી જોઈએ.
2000 રૂપિયાની માત્ર 10 નોટ બદલી શકો છો…
જોકે હવે રિઝર્વ બેંકે એક ફેરફાર કર્યો છે. અત્યાર સુધી એટલે કે 30 સપ્ટેમ્બર સુધી કોઈપણ બેંક શાખામાં 2000 રૂપિયાની નોટ બદલી શકાતી હતી અને લોકો બેંકની શાખામાં જઈને પોતાના ખાતામાં પૈસા જમા કરાવી શકતા હતા, હવે આ સિસ્ટમ રહેશે નહીં. હવે RBIની માત્ર 19 ઈસ્યુ ઓફિસમાં 2000 રૂપિયાની નોટ બદલી શકાશે. લોકો રિઝર્વ બેંકની આ 19 ઓફિસોમાં તેમના ખાતામાં 2000 રૂપિયાની નોટ પણ જમા કરાવી શકે છે.
આ સમાચાર પણ વાંચો : Surat Civil Hospital: સુરત સિવિલ હોસ્પિટલમાં એક જ દિવસમાં જન્મથી મૂકબધિર બે બાળકોની ‘કોક્લિયર ઈમ્પ્લાન્ટ’ની સફળ સર્જરી
બદલી શકાય તેવી નોટોની મહત્તમ મર્યાદા હજુ પણ અકબંધ રહેશે. આનો અર્થ એ છે કે એક સમયે વધુમાં વધુ 20,000 રૂપિયાની નોટો બદલી શકાશે. મતલબ કે તમે એક સમયે 2000 રૂપિયાની માત્ર 10 નોટ બદલી શકો છો.
સેન્ટ્રલ બેંકે લોકોને પોસ્ટ દ્વારા નોટ મોકલવાની સુવિધા પણ આપી છે. ભારતમાં રહેતા લોકો દેશના કોઈપણ ભાગમાંથી રિઝર્વ બેંકની 19 ઈસ્યુ ઓફિસમાંથી કોઈપણને પોસ્ટ દ્વારા રૂ. 2000ની નોટ મોકલી શકે છે, જે તેમના બેંક ખાતામાં જમા કરવામાં આવશે. આ સુવિધા મેળવવા માટે, તમારે રિઝર્વ બેંક દ્વારા ઉલ્લેખિત ઓળખ કાર્ડ/દસ્તાવેજો પણ આપવા પડશે.
