News Continuous Bureau | Mumbai

Rule Change: આજે છે 1 જાન્યુઆરી 2025. આજે માત્ર વર્ષ જ બદલાયું નથી, પરંતુ ઘણા મોટા નિયમો પણ બદલાયા છે. જેની સીધી અસર તમારા ખિસ્સા અસર પડશે.  જેમાં એલપીજીથી લઈને જીએસટી અને યુપીઆઈ સુધીની દરેક બાબતોનો સમાવેશ થાય છે. આ ફેરફારો 1 જાન્યુઆરી એટલે કે આજથી જ અમલમાં આવી રહ્યા છે, તો ચાલો જાણીએ કે કયા ફેરફારો થઈ રહ્યા છે અને તેની તમારા જીવન પર કેવી અસર પડશે.

Rule Change: RBIના FD નિયમોમાં ફેરફાર

રિઝર્વ બેંકે 1 જાન્યુઆરીથી NBFC (નોન-બેંકિંગ ફાઇનાન્સિયલ કંપની) અને HFC (હાઉસિંગ ફાઇનાન્સ કંપની)ની ફિક્સ્ડ ડિપોઝિટ (FD) સંબંધિત નિયમોમાં ફેરફાર કર્યો છે. તેમાં ડિપોઝિટ લેવાના નિયમો, લિક્વિડ એસેટ્સ રાખવાની ટકાવારી અને ડિપોઝિટનો વીમો લેવા સંબંધિત નવા નિયમોનો સમાવેશ થાય છે.

Rule Change: કારના ભાવ વધશે 

નવા વર્ષમાં ઘણી કાર કંપનીઓએ કારની કિંમતો વધારવાની જાહેરાત કરી છે. જેમાં મારુતિ સુઝુકી, હ્યુન્ડાઈ, મહિન્દ્રા, મર્સિડીઝ બેન્ઝ, BMW અને Audi જેવી કંપનીઓ સામેલ છે. આ કંપનીઓએ લગભગ 3% ભાવ વધારવાનો નિર્ણય કર્યો છે.

Rule Change: એલપીજીની કિંમત

તેલ કંપનીઓ દર મહિનાની પહેલી તારીખે એલપીજીના ભાવની સમીક્ષા કરે છે. છેલ્લા કેટલાક મહિનામાં 19 કિલોના કોમર્શિયલ ગેસ સિલિન્ડરની કિંમતમાં ઘટાડો થયો છે, પરંતુ 14.2 કિગ્રાનું ઘરેલું સિલિન્ડર હજુ પણ 803 રૂપિયામાં ઉપલબ્ધ છે. ઘરેલુ સિલિન્ડરની કિંમતમાં કોઈ ફેરફાર કરવામાં આવ્યો નથી.

Rule Change: એમેઝોન પ્રાઇમમાં ફેરફારો

એમેઝોન ઇન્ડિયાએ 1 જાન્યુઆરી, 2025થી તેની પ્રાઇમ મેમ્બરશિપના નિયમોમાં ફેરફાર કર્યો છે. હવે પ્રાઇમ વીડિયો એક એકાઉન્ટમાંથી માત્ર બે ટીવી પર સ્ટ્રીમ કરી શકાશે. અગાઉ પાંચ ઉપકરણો સુધી સ્ટ્રીમિંગની મંજૂરી હતી. વધુ ટીવી પર સ્ટ્રીમિંગ માટે વધારાના સબ્સ્ક્રિપ્શનની જરૂર પડશે.

આ સમાચાર પણ વાંચો : India Post: ભારતીય ડાક વિભાગે ગુજરાતના શહીદ સંત ‘વીર મેઘમાયા’ પર સ્મારક ડાક ટિકિટ બહાર પાડી

Rule Change: GST પોર્ટલમાં ફેરફારો

1 જાન્યુઆરીથી GST પોર્ટલમાં કેટલાક મહત્વપૂર્ણ ફેરફારો કરવામાં આવી રહ્યા છે. ઈ-વે બિલની સમયમર્યાદા અને GST પોર્ટલની સુરક્ષા સંબંધિત ફેરફારો થશે. નવા નિયમોના અમલને કારણે ખરીદદારો, વેચાણકર્તાઓ અને ટ્રાન્સપોર્ટરોને મુશ્કેલીનો સામનો કરવો પડી શકે છે.

Rule Change: પેન્શનના પૈસા

EPFOએ 1 જાન્યુઆરીથી પેન્શન નિયમોને સરળ બનાવ્યા છે. હવે કર્મચારીઓ તેમની પેન્શનની રકમ કોઈપણ બેંકમાંથી ઉપાડી શકશે અને આ માટે કોઈ વધારાની ચકાસણીની જરૂર રહેશે નહીં.

Rule Change: FD નિયમોમાં ફેરફાર

ફિક્સ્ડ ડિપોઝિટ (FD)માં પણ ફેરફાર થઈ રહ્યા છે. જો તમે FDમાં રોકાણ કરો છો, તો 1 જાન્યુઆરીથી, તેમાં જમા થયેલી રકમ મેચ્યોરિટી પહેલા ઉપાડવાના નિયમોમાં ફેરફાર થશે. આ ફેરફારો ખાસ કરીને NBFC અને HFC સાથે સંબંધિત હશે.

Rule Change:  ફીચર ફોન માટે UPI મર્યાદા વધારવામાં આવશે

રિઝર્વ બેંક ઓફ ઈન્ડિયા (RBI) એ ફીચર ફોન યુઝર્સ માટે UPI સુવિધાને આગળ વધારી છે. પહેલા આ મર્યાદા 5,000 રૂપિયા હતી, જે વધારીને 10,000 રૂપિયા કરવામાં આવી છે. આ ફેરફાર 1 જાન્યુઆરી, 2025થી અમલમાં આવશે.

Rule Change:  UPI પેમેન્ટ 

1 જાન્યુઆરી, 2025 થી, વોલેટ અથવા અન્ય PPI દ્વારા UPI દ્વારા પેમેન્ટ કરવાનું શક્ય બનશે. આ સિવાય જે લોકો ભારતથી થાઈલેન્ડ, અમેરિકા, બ્રિટન વગેરે વિદેશ જવા ઈચ્છે છે તેમણે નવા નિયમોને ધ્યાનમાં રાખવા જોઈએ. તેમના નિયમોમાં પણ ફેરફાર કરવામાં આવશે.