News Continuous Bureau | Mumbai 

Closing bell : કારોબારી સપ્તાહના ચોથા કારોબારી દિવસે ભારતીય શેર બજાર ( Share Market ) લીલા નિશાન પર બંધ થયું છ. જો કે, મજબૂત ટ્રેડિંગ હોવા છતાં, બજાર તેના ઉપલા સ્તરોથી સરકી રહ્યું હોવાનું જણાયું હતું. આજે સેન્સેક્સ 63.47 (0.08%) પોઈન્ટના વધારા સાથે 71,721.18 ના સ્તરે બંધ રહ્યો હતો. બીજી તરફ, નિફ્ટી ( Nifty ) 28.50 (0.13%) પોઈન્ટ વધીને 21,647.20 પર બંધ રહ્યો છે.

તોફાની શરૂઆત 

ભારતીય શેરબજારમાં સપ્તાહના ચોથા ટ્રેડિંગ દિવસે તોફાની શરૂઆત થઈ હતી. પરંતુ બપોર બાદ બજારની ગતિ ધીમી પડી ગઈ. બજાર બંધ થતાં સેન્સેક્સ ( Sensex ) 63.47 પોઈન્ટના વધારા સાથે 71,721.18 પોઈન્ટ પર અને નિફ્ટી ( Nifty ) 28.50 પોઈન્ટના વધારા સાથે 21,647.20 પોઈન્ટ પર બંધ થયો. રિલાયન્સ ઇન્ડસ્ટ્રીઝના એનર્જી સેક્ટરના શેર્સે આગેવાની લીધી હતી, જેના કારણે સેક્ટરના શેરમાં વધારો જોવા મળ્યો હતો.

આ સમાચાર પણ વાંચો : Earthquake today: દિલ્હી-એનસીઆર સહિત સમગ્ર ઉત્તર ભારતમાં ધરતી ધ્રુજી, ભૂકંપનું કેન્દ્ર આ દેશમાં..

માર્કેટ કેપ પ્રથમ વખત ઐતિહાસિક ટોચ પર

 દરમિયાન, મિડકેપ અને સ્મોલકેપ શેર્સમાં વધારો ચાલુ રહ્યો હતો. બજારમાં આજે કન્ઝ્યુમર ડ્યુરેબલ્સ સેક્ટરના શેરમાં ખરીદારી જોવા મળી હતી. જોકે, બજારમાં આવેલી તેજીને કારણે BSE પર લિસ્ટેડ શેરોનું માર્કેટ કેપ પ્રથમ વખત રૂ. 370 લાખ કરોડની ઐતિહાસિક ટોચ પર હતું. આજના ટ્રેડિંગ સેશનમાં રોકાણકારોની મૂડીમાં રૂ. 1.71 લાખ કરોડનો ઉછાળો આવ્યો હતો.

આ શેર્સ વધારા સાથે બંધ 

આજના વેપારમાં રિલાયન્સ ( Reliance )  2.58 ટકા, એક્સિસ બેન્ક 1.38 ટકા, અલ્ટ્રાટેક સિમેન્ટ 1.29 ટકા, ઇન્ડસઇન્ડ બેન્ક 1.17 ટકા, પાવર ગ્રીડ 1.09 ટકા, ટાટા મોટર્સ 0.94 ટકા, ટેક મહિન્દ્રા 0.65 ટકા, TCS 1.6 ટકાના વધારા સાથે બંધ થયા હતા. જ્યારે ઈન્ફોસિસ 1.62 ટકા, HUL 1.62 ટકા, વિપ્રો 1.28 ટકા, લાર્સન 1.18 ટકાના ઘટાડા સાથે બંધ રહ્યો હતો.

(ડિસ્ક્લેમરઃ કોઈપણ રોકાણ કરતા પહેલા ફાઈનાન્શિયલ એડવાઈઝરની સલાહ ચોક્કસ લો.)