News Continuous Bureau | Mumbai
Indian Stock Market Surges: ભારતીય શેરબજારમાં મંગળવારે શરૂઆતના કલાકોમાં જબરદસ્ત ખરીદી જોવા મળી છે. સવારે ૯:૧૫ વાગ્યે બજાર ખુલતાની સાથે જ BSE સેન્સેક્સ ૧૦૪૦.૪૫ પોઈન્ટ ના ઉછાળા સાથે ૭૩,૭૩૬.૮૪ ના સ્તરે પહોંચી ગયો હતો. તે જ સમયે, NSE નિફ્ટી પણ ૩૫૦.૬૦ પોઈન્ટ વધીને ૨૨,૮૬૩.૨૫ ના લેવલ પર ટ્રેડ કરતો જોવા મળ્યો હતો. લગભગ તમામ સેક્ટરમાં આજે લીલા નિશાનમાં કારોબાર થઈ રહ્યો છે.
તેજી પાછળના મુખ્ય કારણો
બજારમાં આ તેજી પાછળ સૌથી મોટું કારણ અમેરિકી રાષ્ટ્રપતિ ડોનાલ્ડ ટ્રમ્પનું નિવેદન છે. ટ્રમ્પે ઈરાન પરના હુમલા ૫ દિવસ માટે રોકવાના સંકેત આપ્યા છે. આ પોઝિટિવ સમાચારને કારણે:
ક્રૂડ ઓઈલ: બ્રેન્ટ ક્રૂડની કિંમત ૧૦% ઘટીને ૧૦૦ ડોલર ની આસપાસ આવી ગઈ છે.
ગ્લોબલ સેન્ટિમેન્ટ: રોકાણકારોને આશા છે કે યુદ્ધ હવે વિરામ તરફ જઈ શકે છે.
રૂપિયો: જોકે રૂપિયો હજુ નબળો છે, પરંતુ ક્રૂડ ઘટતા ફુગાવાની ચિંતા ઓછી થઈ છે.
આ સમાચાર પણ વાંચો : Middle East Escalation:ટ્રમ્પની શાંતિ અપીલના ઉડ્યા ધજાગરા! ઈરાનનો ઈઝરાયેલ પર મિસાઈલ હુમલો; કુવૈતમાં ડ્રોનથી આતંક અને વાયુ સેના હાઈ-એલર્ટ.
આ સ્ટોક્સ અને સેક્ટરમાં ‘મંગળ’
નિફ્ટી પર આજે એશિયન પેઈન્ટ્સ, શ્રીરામ ફાઈનાન્સ, ટાઈટન કંપની, ઈન્ટરગ્લોબ એવિએશન (ઈન્ડિગો) અને ગ્રાસિમ ઈન્ડસ્ટ્રીઝમાં સૌથી વધુ તેજી જોવા મળી છે.
સેક્ટર અપડેટ: ઓટો, બેન્કિંગ, એનર્જી અને ફાર્મા સેક્ટરમાં ૧ થી ૨ ટકાનો ઉછાળો નોંધાયો છે.
મિડકેપ અને સ્મોલકેપ: વ્યાપક બજારમાં પણ મજબૂત ખરીદી જોવા મળી રહી છે, બંને ઇન્ડેક્સ ૨-૨ ટકા જેટલા વધ્યા છે.
માર્કેટ એક્સપર્ટની સલાહ
એક્સપર્ટ ના જણાવ્યા મુજબ, બજાર અત્યારે યુદ્ધના સમાચારો પર આધારિત છે. જોકે ક્રૂડ ઘટવું એ ભારત માટે સારા સમાચાર છે, પરંતુ વિદેશી સંસ્થાકીય રોકાણકારો (FII) હજુ પણ વેચવાલી કરી રહ્યા છે. બજારમાં સ્થિરતા આવવા માટે રૂપિયાનું મજબૂત થવું અનિવાર્ય છે. હાલના તબક્કે IT અને ફાર્મા સેક્ટર મજબૂત રહી શકે છે કારણ કે નબળા રૂપિયાનો આ સેક્ટરને સીધો ફાયદો મળે છે.
Join Our WhatsApp Community