News Continuous Bureau | Mumbai
Share Market Crash વૈશ્વિક બજારોમાંથી મળી રહેલા નબળા સંકેતો વચ્ચે શુક્રવાર, ૧૯ જૂન ૨૦૨૬ ના રોજ ભારતીય શેરબજારની શરૂઆત ભારે કડાકા સાથે થઈ છે. દલાલ સ્ટ્રીટ પર સવારથી જ ચોતરફ વેચવાલીનો માહોલ જોવા મળ્યો હતો, જેના કારણે સ્થાનિક સૂચકાંકો ગગડી ગયા હતા. બજાર ખુલતાની સાથે જ વેચવાલીનું એટલું ભારે દબાણ સર્જાયું કે નેશનલ સ્ટોક એક્સચેન્જનો નિફ્ટી (Nifty) ૨૪,૦૦૦ ના મહત્વના સ્તરની નીચે સરકી ગયો હતો. બજારને નીચે ધકેલવામાં દેશની દિગ્ગજ આઈટી (IT) કંપનીઓના શેરોએ સૌથી મોટી ભૂમિકા ભજવી છે.
Share Market Crash – સેન્સેક્સ અને નિફ્ટીમાં નોંધાયેલો મોટો ઘટાડો
કારોબારની શરૂઆતમાં જ બોમ્બે સ્ટોક એક્સચેન્જનો સૂચકાંક બીએસઈ સેન્સેક્સ (Sensex) ૭૩૨.૧૯ પોઈન્ટ અથવા ૦.૯૫% ઘટીને ૭૬,૬૭૭.૭૯ ના સ્તરે પહોંચી ગયો હતો. બીજી તરફ, એનએસઈ નિફ્ટી પણ ૨૦૦.૧૦ પોઈન્ટ અથવા ૦.૮૩% ઘટીને ૨૩,૯૬૭.૯૦ ના સ્તરે ટ્રેડ કરતો જોવા મળ્યો હતો. બજારની નબળાઈનો અંદાજ એ વાત પરથી લગાવી શકાય છે કે શરૂઆતી ટ્રેડિંગમાં ૧,૩૨૪ શેરોમાં ઘટાડો નોંધાયો હતો, જ્યારે તેની સામે માત્ર ૯૫૬ શેરો જ લીલા નિશાનમાં (વધારા સાથે) કારોબાર કરી રહ્યા હતા.
Share Market Crash – આઈટી સેક્ટરના શેરો લોહીલુહાણ, ઇન્ફોસિસ અને ટીસીએસ ટોપ લૂઝર્સ
નિફ્ટી-૫૦ ના હીટમેપ અનુસાર, આજે આઈટી સેક્ટરના દિગ્ગજ શેરોમાં ભારે પ્રોફિટ બુકિંગ અને વેચવાલી જોવા મળી હતી. સૌથી વધુ નુકસાન ઇન્ફોસિસ (Infosys) ને થયું હતું, જે ૭.૭૭% ના ભારે કડાકા સાથે ૧,૦૩૯.૯૦ રૂપિયા પર આવી ગયો હતો. આ સિવાય ટેક મહિન્દ્રા ૬.5૬%, ટીસીએસ (TCS) ૬.૧૬%, એચસીએલ ટેક ૫.૫૦% અને વિપ્રો (Wipro) ૩.૭૪% સુધી તૂટ્યા હતા. જોકે, બજારની આ મનનીય સ્થિતિ વચ્ચે પણ અદાણી એન્ટરપ્રાઇઝિસ ૦.૯૨% ના વધારા સાથે ૩,૦૪૧.૦૦ રૂપિયા પર ટોપ ગેનર રહ્યો હતો. જ્યારે સરકારી પાવર કંપની એનટીપીસી (NTPC) ૦.૭૫% વધીને ૩૬૪.૬૫ રૂપિયા પર ટ્રેડ થઈ રહી હતી. આ ઉપરાંત સિપ્લા, બજાજ ઓટો અને આઈસીઆઈસીઆઈ બેંકના શેર પણ મજબૂતીથી ટકી રહ્યા હતા.
Share Market Crash – જાણો કેમ અચાનક ભારતીય આઈટી કંપનીઓના શેર તૂટ્યા?
શુક્રવારે ભારતીય આઈટી શેરોમાં આવેલા આ મોટા કડાકા પાછળનું મુખ્ય કારણ વૈશ્વિક આઈટી જાયન્ટ કંપની ‘એક્સેન્ચર’ (Accenture) ના નકારાત્મક સમાચાર છે. એક્સેન્ચરે નાણાકીય વર્ષ ૨૦૨૬ (FY26) માટે તેના રેવન્યુ ગ્રોથ (આવક વૃદ્ધિ) ના અંદાજમાં ઘટાડો કર્યો છે અને ગ્રાહકો તરફથી નબળી માંગની ચેતવણી આપી છે. આ જાહેરાત બાદ અમેરિકી શેરબજારમાં એક્સેન્ચરના શેર લગભગ ૧૮% સુધી તૂટી ગયા હતા, જેની સીધી અને નકારાત્મક અસર ભારતીય આઈટી કંપનીઓ પર પણ જોવા મળી છે. એક્સેન્ચરે મધ્ય-પૂર્વ (મિડલ ઇસ્ટ) ના દેશોમાં ચાલી રહેલા તણાવ અને વૈશ્વિક ગ્રાહકોના આઈટી ખર્ચમાં આવેલી સુસ્તીને આ નબળા ગ્રોથનું મુખ્ય કારણ ગણાવ્યું છે.
👉 આ સમાચાર વાચો:
Gold Silver Rate Crash બે દિવસમાં ૨૨ હજારનો ઘટાડો; જાણો તમારા શહેરમાં સોના અને ચાંદીના લેટેસ્ટ ભાવ
