News Continuous Bureau | Mumbai 

Sugar Price: આંતરરાષ્ટ્રીય બજારમાં ( international market ) ખાંડની કિંમત પાઉન્ડ દીઠ 28 સેન્ટ વધીને 12 વર્ષમાં સર્વોચ્ચ સ્તરે પહોંચી ગઈ છે. ભારતમાંથી ( India ) થતી નિકાસમાં ( exports ) ભારે ઘટાડા અને બ્રાઝિલમાં લોજિસ્ટિક સમસ્યાઓના કારણે ખાંડના પુરવઠામાં ( sugar supply )  ઘટાડો જોવા મળી રહ્યો છે. આંતરરાષ્ટ્રીય બજારમાં ખાંડની કિંમત ઘણા વર્ષોમાં સતત ઉચ્ચતમ સ્તરે પહોંચી રહી છે. ઈન્ટરનેશનલ સુગર ઓર્ગેનાઈઝેશન ( International Sugar Organization ) દ્વારા અંદાજિત 15-દિવસની સરેરાશ કિંમત તાજેતરના અઠવાડિયામાં 26 સેન્ટથી ઉપર રહી છે.

ભારતમાં હાલમાં ખાંડની નિકાસ પર પ્રતિબંધ

ભારતે ખાંડ પર નિકાસ પ્રતિબંધ વધાર્યો છે. અહીં કિંમતો વધ્યા બાદ આવું કરવામાં આવ્યું છે. સરકાર ઇચ્છે છે કે ભાવ નિયંત્રણમાં રહે, ખાસ કરીને તહેવારોની સિઝનમાં. ભારત વિશ્વનો બીજો સૌથી મોટો ખાંડ ઉત્પાદક દેશ છે અને નિકાસમાં ઘટાડો વૈશ્વિક બજારને અસર કરે છે. ભારતે 30 સપ્ટેમ્બરે સમાપ્ત થયેલી 2022-2023 સિઝન દરમિયાન મિલોને માત્ર 6.2 મિલિયન ટન ખાંડની નિકાસ કરવાની મંજૂરી આપી હતી.

આ સમાચાર પણ વાંચો : WhatsApp: તો શું હવે વોટ્સએપમાં પણ દેખાશે જાહેરાતો! જાણો વોટ્સએપના પ્રમુખે આ અંગે શું કહ્યું?

ચાલુ સિઝનમાં પણ ખાંડની નિકાસ પર પ્રતિબંધની શક્યતા

એ પણ ધ્યાનમાં રાખવું જરૂરી છે કે થોડી ખાંડનો ઉપયોગ ઇથેનોલ બનાવવા માટે થાય છે. સુગર મિલોએ ગયા માર્કેટિંગ વર્ષમાં ઇથેનોલ ઉત્પાદન માટે 4.1 મિલિયન ટન ખાંડનો ઉપયોગ કર્યો હતો અને તે જ જથ્થો આ વર્ષે પણ ફાળવવામાં આવી શકે છે. આનાથી વેપારી જગતમાં એવો ભય ઊભો થયો છે કે સરકાર સ્થાનિક ભાવને નિયંત્રણમાં રાખવા માટે ચાલુ સિઝનમાં ખાંડની નિકાસ બંધ કરી શકે છે.

Disclaimer : Except for the headline, this story has not been edited by News Continuous staff and is published from a syndicated feed.