News Continuous Bureau | Mumbai
UPI Transaction : યુનિફાઇડ પેમેન્ટ્સ ઇન્ટરફેસ (UPI) દ્વારા ટ્રાન્ઝેક્શનના સંદર્ભમાં ઓગસ્ટમાં એક જબરદસ્ત રેકોર્ડ બન્યો છે. નેશનલ પેમેન્ટ્સ કોર્પોરેશન ઓફ ઈન્ડિયા (NPCI) એ જણાવ્યું કે ઓગસ્ટમાં પહેલીવાર UPI દ્વારા ટ્રાન્ઝેક્શનની સંખ્યા 10 અબજ ને વટાવી ગઈ છે. UPI એ એક વાસ્તવિક સમયની ચુકવણી સિસ્ટમ છે જે NPCI દ્વારા વિકસિત કરવામાં આવી છે, જે ભારતમાં તમામ છૂટક ચુકવણી સિસ્ટમો માટે અગ્રણી સંસ્થા છે. NPCIના ડેટા અનુસાર, UPI દ્વારા માસિક ટ્રાન્ઝેક્શનનો આંકડો 10 અબજને વટાવી ગયો છે. રિપોર્ટ અનુસાર 30 ઓગસ્ટ સુધીમાં UPIથી માસિક લેવડદેવડનો આંકડો 10.24 અબજ સુધી પહોંચી ગયો હતો.
વધી રહ્યો છે UPI નો વ્યાપ
જો આપણે મૂલ્ય પર નજર કરીએ, તો કુલ ટ્રાન્ઝેક્શનનો આંકડો 15,33,645.20 કરોડ રૂપિયા હતો. જુલાઈમાં UPI ટ્રાન્ઝેક્શનનો આંકડો 9.96 બિલિયન (996.4 કરોડ) હતો અને જૂનમાં આ આંકડો 9.33 બિલિયન હતો. દેશમાં UPI દ્વારા પેમેન્ટનું ચલણ ખૂબ જ ઝડપથી વધ્યું છે. હોટલથી લઈને શાકભાજીના વિક્રેતાઓએ હવે UPI દ્વારા પેમેન્ટ લેવાનું શરૂ કર્યું છે. જેના કારણે યુપીઆઈનો વ્યાપ સતત વધી રહ્યો છે.
આ સમાચાર પણ વાંચો : INS Mahendragiri: ભારતીય નૌસેનાની તાકાત વધી, સંપૂર્ણ સ્વદેશી યુદ્ધજહાજ ‘INS મહેન્દ્રગિરી‘નું મુંબઈમાં જલાવતરણ.. જાણો ખાસિયત..
વિદેશોમાં પણ UPIની સ્વીકૃતિ વધવા લાગી છે. થોડા સમય પહેલા વડાપ્રધાન નરેન્દ્ર મોદી ફ્રાંસના પ્રવાસે ગયા હતા. ત્યાં, ફ્રાન્સના રાષ્ટ્રપતિ ઈમેન્યુઅલ મેક્રોન વચ્ચેની બેઠક બાદ બંને દેશો વચ્ચે યુનિફાઈડ પેમેન્ટ ઈન્ટરફેસ એટલે કે UPIને લઈને ડીલ કરવામાં આવી હતી. આ ઉપરાંત, તેનો ઉપયોગ ફ્રાન્સમાં પણ થઈ શકે છે. એટલે કે ભારતીય પ્રવાસીઓ ફ્રાન્સમાં પણ UPI દ્વારા પેમેન્ટ કરી શકશે.
ઑફલાઇન ચુકવણી ટૂંક સમયમાં
આ મહિને MPCની બેઠક બાદ રિઝર્વ બેંકના ગવર્નરે UPIને લઈને મોટી જાહેરાત કરી હતી. ગવર્નર શક્તિકાંત દાસે કહ્યું હતું કે ટૂંક સમયમાં UPI દ્વારા ઑફલાઇન પેમેન્ટ કરી શકાશે. UPI ચૂકવણીને પ્રોત્સાહન આપવાનાં પગલાંની જાહેરાત કરતા, ભારતીય રિઝર્વ બેંક (RBI) ના ગવર્નરે કહ્યું કે UPI લાઇટ પર ટ્રાન્ઝેક્શન મર્યાદા 200 રૂપિયાથી વધારીને 500 રૂપિયા કરવામાં આવશે.
શક્તિકાંત દાસે એમ પણ કહ્યું હતું કે સેન્ટ્રલ બેંક યુપીઆઈલાઈટ દ્વારા નિર ફિલ્ડ ટેક્નોલોજીનો ઉપયોગ કરીને UPIમાં ઑફલાઈન ચુકવણી શરૂ કરવાની તૈયારી કરી રહી છે. આ સિવાય યુપીઆઈ પ્લેટફોર્મ પર વાતચીતની ચુકવણી સક્ષમ કરવામાં આવશે.
