News Continuous Bureau | Mumbai
US Company Shuts India Operations ટેકનોલોજીની દુનિયામાં AI ના ઝડપી ફેલાવા વચ્ચે એક મોટા સમાચાર સામે આવ્યા છે. રિયલ એસ્ટેટ સેક્ટરમાં કાર્યરત અમેરિકી કંપની ‘ઓપનડોર’ (Opendoor) એ ભારતમાંથી પોતાનો તમામ કારોબાર બંધ કરવાનો નિર્ણય લીધો છે. આ નિર્ણયને કારણે ભારતમાં કાર્યરત કંપનીના 250 કર્મચારીઓની નોકરી પર સીધી અસર પડી છે અને તેમને છૂટા કરવામાં આવ્યા છે.
US Company Opendoor Shuts India Operations – શા માટે લેવાયો આ નિર્ણય?
કંપનીના સીઈઓ કાઝ નેજાતિયાને સ્પષ્ટ કર્યું છે કે આ નિર્ણય કોઈ ખરાબ પ્રદર્શનને કારણે નથી લેવાયો, પરંતુ કંપનીની કાર્યશૈલીમાં ફેરફારને કારણે લેવાયો છે. કંપની હવે પોતાની કામગીરીને અમેરિકામાં રહેલા તેના ગ્રાહકોની વધુ નજીક લાવવા માંગે છે. કંપનીનું માનવું છે કે હવે AI ના ઉપયોગથી મેન્યુઅલ વર્કફ્લોની જરૂરિયાત ઘટી ગઈ છે, તેથી તેઓ અમેરિકામાં જ નાની AI-આધારિત ટીમ દ્વારા કામ કરવા માંગે છે.
US Company Shuts India Operations – કર્મચારીઓ માટે રાહતની જાહેરાત
કંપનીએ જણાવ્યું છે કે આ કર્મચારીઓના યોગદાનની તેઓ કદર કરે છે. છટણીનો ભોગ બનેલા કર્મચારીઓને ‘ટ્રાન્ઝિશન સપોર્ટ’ આપવામાં આવશે, જેમાં સિવરન્સ પેકેજ (Severance package), આઉટપ્લેસમેન્ટ સેવાઓ અને અન્ય સંસાધનોનો સમાવેશ થાય છે. એટલું જ નહીં, સીઈઓએ અન્ય કંપનીઓને આ કર્મચારીઓને નોકરી પર રાખવા માટે ભલામણ પણ કરી છે અને તેમને ‘ઉત્કૃષ્ટ કર્મચારી’ ગણાવ્યા છે.
US Company Shuts India Operations – શું આઉટસોર્સિંગ સેક્ટર માટે ખતરો છે?
આ ઘટનાએ ભારતના આઉટસોર્સિંગ ઉદ્યોગમાં ચિંતા જગાડી છે. નિષ્ણાતો માને છે કે જેમ જેમ AI વધુ સક્ષમ બનતું જશે, તેમ તેમ મેન્યુઅલ કામો માટે વિદેશમાં રહેલી મોટી ટીમોની જરૂરિયાત ઘટતી જશે. ‘ઓપનડોર’ જેવું પગલું અન્ય કંપનીઓ માટે પણ એક સંકેત હોઈ શકે છે કે તેઓ ભવિષ્યમાં ઓટોમેશન તરફ વળી શકે છે.
👉 આ સમાચાર વાચો:
Manipur Violence મણિપુરમાં ભારે બબાલ 6 લોકોની ઘાતકી હત્યા, મૃતદેહ જોઈને લોકો ધ્રુજી ઉઠ્યા
