રૂપિયા 20 હજાર કરોડના ટેક્સ વિવાદમાં વોડાફોન જીત્યું, ભારત સરકાર વિરુદ્ધ 2016 માં સિંગાપોરની ઈન્ટરનેશનલ કોર્ટમાં ઘા નાંખી હતી…

ન્યૂઝ કન્ટીન્યુઝ બ્યૂરો

મુંબઈ

26 સપ્ટેમ્બર 2020

ટેલિકોમ કંપની વોડાફોને રૂપિયા 20 હજાર કરોડના ટેક્સ વિવાદમાં ભારત સરકારને હરાવી કેસ જીતી લીધો છે. કંપનીએ શુક્રવારે કહ્યું હતું કે રૂપિયા 12 હજાર કરોડની બાકી રકમ તથા રૂપિયા 7,900 કરોડના દંડને લગતા કેસમાં ભારત સરકાર સામે જીત મળી છે. વોડાફોન માટે આ ઘણી મોટી રાહતની વાત છે, કારણ કે કંપનીને ભારતમાં રૂપિયા 53 હજાર કરોડ રૂપિયા AGR તરીકે આગામી વર્ષ સુધીમાં ચૂકવવાના છે. બ્રિટીશ ટેલિકોમ જાયન્ટએ, તેના પર ટેક્સની જવાબદારી લાદવાના સરકારના નિર્ણય સામે 2016 માં સિંગાપોર ઇન્ટરનેશનલ આર્બિટ્રેશન સેન્ટરનો સંપર્ક કર્યો હતો. ટ્રિબ્યુનલનું કહેવું હતું કે, ભારત દ્વારા કર લાગુ કરવા માટેનો કોઈપણ પ્રયાસ આંતરરાષ્ટ્રીય કાયદાનું ઉલ્લંઘન ગણાશે"

ભારત સામે આંતરરાષ્ટ્રીય લવાદ જીત્યા પછી, બીએસઈ પર વોડાફોન આઈડિયાની સ્ક્રીપ વધીને રૂ .10.36 પર બંધ થઈ જે 13 ટકા વધારે છે. 

અહીં નોંધનીય છે કે તત્કાલીન વડાપ્રધાન ડો. મનમોહન સિંઘની અધ્યક્ષતા હેઠળની યુપીએ સરકારે 2009 માં વુડાફોનના 11 અબજ ડોલર હચીસન ટેલિકોમ હિસ્સો સંપાદન કરવા માટે રૂ. 11,000 કરોડની કરવેરાની માંગણી કરી હતી. યુપીએ સરકારે કહ્યું હતું કે હચિસન-વોડાફોન સોદો આવકવેરા (આઇટી) અધિનિયમ હેઠળ સ્રોત (ટીડીએસ) પર કર કપાત ભરવો પડશે.