ન્યુઝ કન્ટીન્યુઝ બ્યુરો
મુંબઈ
24 ઓક્ટોબર 2020
વિશ્વમાં સૌથી વધુ ઉપયોગમાં લેવામાં આવતા સોશ્યલ મીડિયા પ્લેટફોર્મ, વ્હોટ્સએપએ ગુરુવારે એક બ્લોગ પોસ્ટમાં કહ્યું છે કે, ટૂંક સમયમાં તેઓ બિઝનેસ ચેટ સેવા માટે કંપનીઓ પાસેથી ચાર્જ લેવાનું શરૂ કરશે. નોંધનીય છે કે વોટ્સએપે થોડા દિવસો પહેલા એન્ડ્રોઇડ યુઝર્સ માટે એક નવી સુવિધા વોટ્સએપ બિઝનેસ એકાઉન્ટ શરૂ કર્યું હતું.
વોટ્સએપ બિઝનેસમાં હાલ 5 કરોડથી વધુ બિઝનેસ યુઝર્સ છે. હાલમાં,આ સેવા માટે કેટલા ચાર્જ લેવામાં આવશે તે અંગે વોટ્સએપએ ખુલાસો કર્યો નથી.
વ્હોટ્સએપે ધંધો કરતા વપરાશકર્તાઓ માટે વોટ્સએપ બિઝનેસ નામની એક અલગ એપ્લિકેશન બનાવી છે. આ એક એવું બજાર સ્થળ છે જ્યાં લોકો ચેટ દ્વારા વ્યવસાય કરી શકે છે. હવે સીધા ખરીદીની નવી સુવિધા ટૂંક સમયમાં આ પ્લેટફોર્મ પરથી ઉપલબ્ધ થશે. આ સુવિધાની મદદથી નાના વ્યવસાયોને તેમનો વ્યવસાય વધારવામાં મદદ મળશે.
વધુમાં, ફેસબુક હોસ્ટિંગ સોલ્યુશન માટે વધારાની ચુકવણી કરવી પડશે. વ્હોટ્સએપ વપરાશકર્તાઓને પૂરા પાડવામાં આવતી ફેસબુક હોસ્ટિંગ સેવાને એન્ડ-ટુ-એન્ડ એન્ક્રિપ્ટ કરવામાં આવશે. જેથી બીજો કોઈ પણ વ્યવસાયિક ગ્રાહકો વચ્ચેના સંદેશા જોઇ નહિ શકે. કંપનીએ કહ્યું કે તેણે તેના વિશે ઘણું વિચાર્યું છે અને તેઓ અહીં થતા ધંધામાં સંપૂર્ણ પારદર્શિતા રાખીવા ઈચ્છે છે.
