ફેબ્રુઆરીમાં મોંઘવારીએ માઝા મૂકી, જથ્થાબંધ ફૂગાવો 13.11 ટકા રહ્યો; જાણો કઈ કઈ વસ્તુઓના ભાવ વધ્યાં

News Continuous Bureau | Mumbai 

દેશમાં મોંઘવારી વધશે એવા અંદાજો ફરી સાચા પુરવાર થયા છે.

ફેબ્રુઆરીમાં જથ્થાબંધ ભાવ આધારિત ફુગાવો વધીને 13.11 ટકા થયો છે. 

સરકારે જાહેર કરેલા આંકડામાં આ માહિતી આપવામાં આવી છે. 

સરકાર તરફથી જાહેર કરવામાં આવેલા એક નિવેદન અનુસાર, ખનિજ તેલ, મૂળભૂત ધાતુઓ, રસાયણો અને રાસાયણિક ઉત્પાદનો, ક્રૂડ પેટ્રોલિયમ અને કુદરતી ગેસ, ખાવાપીવાની વસ્તુઓ અને બિન-ખાદ્ય ચીજોના ભાવમાં ગયા વર્ષના સમાન મહિનાની તુલનામાં તીવ્ર વધારો થયો છે.

અગાઉ જાન્યુઆરીમાં જથ્થાબંધ ફુગાવો 12.95 ટકા રહ્યો હતો. આ પહેલા ડિસેમ્બર 2021 માં તે 13.56 ટકા હતો. 

આમ એપ્રિલ 2021થી સતત 11મા મહિને હોલસેલ મોંઘવારી દર (WPI ફુગાવો) બે આંકડામાં રહ્યો છે.

આ સમાચાર પણ વાંચો : શેર બજારમાં ફરીથી તેજી, લીલા નિશાન પર બંધ થયું માર્કેટ; આટલા પોઇન્ટ ઉછળ્યા સેન્સેક્સ નિફ્ટી…