News Continuous Bureau | Mumbai
JITO CM Bhupendra Patel : મુખ્યમંત્રી ભૂપેન્દ્ર પટેલની પ્રોત્સાહક ઉપસ્થિતિમાં અમદાવાદ ખાતે જૈન ઇન્ટરનેશનલ ટ્રેડ ઓર્ગેનાઈઝેશન(JITO)ના નવનિયુક્ત સભ્યોનો પદ ગ્રહણ સમારોહ યોજાયો હતો.
આ પદ ગ્રહણ સમારોહમાં મુખ્યમંત્રી ભૂપેન્દ્ર પટેલે જણાવ્યું હતું કે, વડાપ્રધાન નરેન્દ્રભાઈ મોદીના નેતૃત્વમાં સરકાર અને સમાજ સાથે મળીને વિકાસની પરિભાષા સાર્થક કરી રહ્યા છે. જૈન ઇન્ટરનેશનલ ટ્રેડ ઓર્ગેનાઈઝેશન(JITO) સંસ્થા જૈન સંપ્રદાયના સામાજિક અને આર્થિક ઉત્થાન માટે ઉત્કૃષ્ટ કામગીરી કરી રહી છે. સમાજમાંથી જે મેળવ્યું છે એ સમાજને પાછું આપવાના ઉદ્દેશ સાથે આ સંસ્થા પ્રસંશનીય કામગીરી કરી રહી છે, એમ તેમણે ઉમેર્યું હતું.
વધુમાં વાત કરતાં મુખ્યમંત્રીએ ( Bhupendra Patel ) જણાવ્યું હતું કે, વડાપ્રધાન નરેન્દ્રભાઇ મોદીના નેતૃત્વમાં ભારત દેશ આજે વિશ્વની પાંચમી સૌથી મોટી અર્થવ્યવસ્થા બન્યો છે અને ત્રીજી સૌથી મોટી અર્થવ્યવસ્થા બનવાની દિશામાં આગળ વધી રહ્યો છે.
આજે વિશ્વભરમાં ગ્લોબલ વોર્મિંગની સમસ્યા સર્જાઈ છે ત્યારે વડાપ્રધાનશ્રીએ રોજિંદુ જીવન પર્યાવરણને ઉપયોગી બનાવવાના ધ્યેય સાથે મિશન લાઈફની શરૂઆત કરાવી છે.
પર્યાવરણની કાળજી લઈશું તો જ આપણે આવનારી પેઢીને સ્વસ્થ જીવન આપી શકીશું. પર્યાવરણની જાળવણીના ઉમદા ઉદ્દેશ સાથે સ્વભાવ સ્વચ્છતા અને સંસ્કાર સ્વચ્છતાના સૂત્ર સાથે સ્વચ્છતા અભિયાનનો ( Cleanliness campaign ) પ્રારંભ કરવામાં આવ્યો છે, એમ તેમણે ઉમેર્યું હતું.
અમદાવાદ ખાતે Jain International Trade Organization (JITO) ની નવી ટીમના શપથવિધિ સમારોહમાં ઉપસ્થિત રહી શ્રી ઋષભભાઈ પટેલ અને તેમની ટીમને અભિનંદન સહ શુભકામના પાઠવી. pic.twitter.com/bztBOweJ7k
— Bhupendra Patel (@Bhupendrapbjp) September 26, 2024
વર્ષ 2047માં દેશને વિકસિત ભારત બનાવવાના વડાપ્રધાનશ્રીના સંકલ્પને સાકાર કરવાની દિશામાં સૌ સાથે મળીને પ્રયાસ કરીએ અને વિકસિત ગુજરાતથી વિકસિત ભારત બનાવીએ એવો વિશ્વાસ મુખ્યમંત્રીશ્રીએ આ પ્રસંગે વ્યક્ત કર્યો હતો.
આ પ્રસંગે મેયર પ્રતિભા જૈને નવા પદ ગ્રહણ કરનાર ટીમને અભિનંદન પાઠવતાં જણાવ્યું હતું કે, જૈન ઇન્ટરનેશનલ ટ્રેડ ઓર્ગેનાઈઝેશન(JITO) સામાજિક, આર્થિક, ધાર્મિક, શૈક્ષણિક ક્ષેત્રે ‘સૌના સાથ, સૌના વિકાસ’ના મંત્ર સાથે કામગીરી કરીને ‘વસુધૈવ કુટુમ્બકમ’ની ભાવના સાકાર કરી રહી છે.
આ સમાચાર પણ વાંચો : CREDAI Surat CR Patil : સુરત ક્રેડાઈ દ્વારા ‘જળસંચય જન ભાગીદારી અભિયાન હેઠળ કેન્દ્રીય મંત્રી CR પાટીલની ઉપસ્થિતિમાં યોજાયો જાગૃતિ કાર્યક્રમ.
સમારોહમાં નવા ચેરમેન અને તેમની ટીમે શપથ લઈને પદ ગ્રહણ કર્યા હતા. આ પ્રસંગે જૈન ઇન્ટરનેશનલ ટ્રેડ ઓર્ગેનાઈઝેશન(JITO) અમદાવાદ ચેપ્ટરના નવા ચેરમેન શ્રી ઋષભ પટેલ સહિત JITO એપેક્સના વિવિધ હોદ્દેદારોએ પ્રાસંગિક ઉદબોધન કર્યા હતા.
અત્રે ઉલ્લેખનીય છે કે, JITO એ સેવા, જ્ઞાન અને આર્થિક સશક્તિકરણના મૂળમંત્ર સાથે જૈન ધર્મના લોકોના સામાજિક, આર્થિક અને શૈક્ષણિક ઉત્થાનનું કાર્ય કરી કરતી સંસ્થા છે.
જૈન ઇન્ટરનેશનલ ટ્રેડ ઓર્ગેનાઈઝેશન(JITO)ના નવા સભ્યોના પદ ગ્રહણ સમારોહમાં ટોરેન્ટ ગ્રુપના ચેરમેન શ્રી સુધીર મેહતા, JITOની વિવિધ પાંખના સભ્યો, જૈન શ્રેષ્ઠીઓ ઉપસ્થિત રહ્યા હતા.
Disclaimer : Except for the headline, this story has not been edited by News Continuous staff and is published from a syndicated feed.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
