ન્યુઝ કન્ટિન્યુઝ બ્યુરો
મુંબઈ, 28 સપ્ટેમ્બર, 2021
મંગળવાર
મુંબઈમાં ગોરેગાંવ વિસ્તારમાં દીપડાનો આતંક ચાલુ છે. તાજો કિસ્સો ગોરેગાંવની આરે કૉલોનીનો સામે આવ્યો છે, જ્યાં દીપડો ઘરની બહાર રમતા બાળકને લઈ જઈ રહ્યો હતો. જોકે સમય જતાં સ્થાનિક લોકોએ બાળકને દીપડાથી બચાવી લીધો લીધો. આ ઘટના ગત સાંજની જણાવવામાં આવી રહી છે.
પ્રાપ્ત જાણકારી મુજબ રવિવારે રાત્રે આઠ વાગ્યાની આસપાસ આરે કૉલોનીના યુનિટ નંબર 3માં સુનીલ મિશ્રાના તબેલામાં કામ કરતા અરુણ યાદવના 4 વર્ષના પુત્ર પર દીપડાએ હુમલો કર્યો. દીપડો બાળકને લઈ જઈ રહ્યો હતો ત્યારે અચાનક અરુણની નજર ચિત્તા પર પડી. જ્યારે અરુણે બૂમ પાડી ત્યારે આજુબાજુના લોકોએ જોરજોરથી બૂમો પાડવાનું શરૂ કર્યું, ત્યારે દીપડો બાળકને છોડીને ભાગી ગયો હતો. અરુણે કહ્યું કે જો તે સ્થળ પર ન પહોંચ્યો હોત તો મોટી દુર્ઘટના ઘટી હોત. દીપડાના હુમલાને કારણે 4 વર્ષના બાળકના શરીર અને માથા પર ગંભીર ઈજા પહોંચી છે.
મુંબઈ શહેરમાં આટલી સીટો પર કોંગ્રેસ બીએમસીની ચૂંટણી લડશે.
આરે પોલીસને આ અંગે જાણ થતાં જ પોલીસ તેનાં માતાપિતાની મદદથી ઘટનાસ્થળે પહોંચી હતી અને તેને જોગેશ્વરીની ટ્રોમા કૅર હૉસ્પિટલમાં દાખલ કરવામાં આવ્યો હતો, જ્યાં તેની આંખ પાસે 7 ટાંકા આવ્યા હતા. આરેમાં આ ઘટના બાદ ફરી એક વખત દીપડાના હુમલાનો ડર સતાવવા લાગ્યો છે. અરુણ યાદવ અને તેના માલિક સુનીલ મિશ્રાનું કહેવું છે કે આરે પ્રશાસને આ અંગે તાત્કાલિક પગલાં લેવાં જોઈએ, કારણ કે દીપડાને માનવ હુમલાની આદત પડી ગઈ છે. ગમે ત્યારે મોટી ઘટના બની શકે છે.
