News Continuous Bureau | Mumbai
Rat Snake Rescue મુંબઈના વિલે પાર્લે વિસ્તારમાં એર ઈન્ડિયા ગેટ-૩ પાસે આશરે ૭ ફૂટ લાંબો વિશાળકાય સાપ દેખાતા અફરાતફરી મચી ગઈ હતી. એરપોર્ટ અને તેની આસપાસના સુરક્ષા કર્મચારીઓ તેમજ મુસાફરોની નજર જ્યારે આ સાપ પર પડી ત્યારે તાત્કાલિક એનિમલ રેસ્ક્યુ ટીમનો સંપર્ક કરવામાં આવ્યો હતો. ‘આશા: ધ હોપ ફોર એનિમલ્સ વેલફેર ટ્રસ્ટ’ ના સભ્યોએ તાત્કાલિક ઘટનાસ્થળે પહોંચીને રેસ્ક્યુ ઓપરેશન શરૂ કર્યું હતું.
સાવચેતીપૂર્વકનું રેસ્ક્યુ ઓપરેશન
એર ઈન્ડિયા ગેટ જેવો વિસ્તાર હંમેશા લોકોથી ભરેલો રહેતો હોવાથી સાપને કારણે કોઈને ઈજા ન થાય તે માટે ટીમ દ્વારા અત્યંત સાવધાની રાખવામાં આવી હતી. ભારે જહેમત બાદ સાપને સુરક્ષિત રીતે પકડી લેવામાં આવ્યો હતો. ત્યારબાદ વન વિભાગના નિયમો મુજબ તેની તપાસ કરી, તેને માનવ વસ્તીથી દૂર તેના કુદરતી વાતાવરણમાં મુક્ત કરવામાં આવ્યો હતો.
A 7-foot-long Indian rat snake was rescued from Air India Gate 3 in Vile Parle East on Thursday. The reptile was safely captured by members of Aasha: The Hope For Animals Welfare Trust and later released into its natural habitat.
Video credit: Karan Solanki pic.twitter.com/96Cpv25cXB
— Mid Day (@mid_day) February 20, 2026
આ સમાચાર પણ વાંચો : Mumbai ACB Arrests Senior Inspector and PSI : કુરાર પોલીસ સ્ટેશનના સિનિયર પીઆઈ અને પીએસઆઈ ₹૧ લાખની લાંચ લેતા રંગેહાથ ઝડપાયા; કેબિનમાંથી ₹૬.૩૪ લાખ રોકડા મળ્યા.
કયો સાપ હતો?
રેસ્ક્યુ કરવામાં આવેલો સાપ ‘ધામણ’ (Rat Snake) પ્રજાતિનો હતો. નિષ્ણાતોના જણાવ્યા અનુસાર,ધામણ સાપ સંપૂર્ણપણે બિન-ઝેરી હોય છે, તેના કરડવાથી જીવનું જોખમ રહેતું નથી.આ સાપ ઉંદરોનો શિકાર કરતો હોવાથી તેને કુદરતી રીતે ‘ખેડૂતનો મિત્ર’ ગણવામાં આવે છે.એવું માનવામાં આવે છે કે આ સાપ આસપાસના ખુલ્લા મેદાન કે ગટરોમાંથી ભટકીને રસ્તા પર આવી ગયો હશે.
