સાવધાન મુંબઈવાસીઓ : ચારકોપમાં ફૂડ ડિલિવરી કરનારાએ છ વર્ષની બાળકી સાથે નિંદનીય કૃત્ય કર્યું

ન્યુઝ કન્ટિન્યુઝ બ્યુરો 

મુંબઈ, 8 ઑક્ટોબર, 2021

શુક્રવાર

કાંદિવલીના ચારકોપ વિસ્તારની એક હાઉસિંગ સોસાયટીમાં બાળકી પર બળાત્કારની ઘટના ઘટી છે. આ નીચ કૃત્ય સોસાયટીમાં આવેલા સ્થાનિક હૉટેલના ડિલિવરી મૅને કર્યું હતું. 

આ ઘટના મંગળવારે રાત્રે 10 વાગ્યાની આસપાસ બની હતી, જ્યારે ફૂડ ડિલિવરી મૅન લોકચંદન સાહુ (ઉંમર ૧૯) સોસાયટીમાં ફૂડ ડિલિવરી કરવા આવ્યો હતો, ત્યારે છ વર્ષની બાળકી ઍપાર્ટમેન્ટનાં પગથિયાં પાસે રમી રહી હતી. આરોપીએ ઍપાર્ટમેન્ટમાં અંદર જવાનો રસ્તો બાળકીને પૂછ્યો. બાળકીએ તેને રસ્તો બતાવવામાં મદદ કરી, પણ સાહુએ જાણીજોઈને રસ્તો સમજાતો ન હોય એવો ડોળ કર્યો. ફરતાં ફરતાં તે બાળકીને ટેરેસ સુધી લઈ ગયો. જ્યાં આરોપીએ બાળકીની જાતીય સતામણી કરી હતી.

ભાજપના આ યુવા નેતા અને તેમની માતાને કેન્દ્રીય નેતાઓ સાથે પંગો લેવો ભારે પડ્યો : ભાજપની રાષ્ટ્રીય કાર્યકારિણીમાંથી થઈ હાકલપટ્ટી; જાણો વિગત

છોકરીએ પોતાના ઘરે પરત ફરીને પોતાની માતાને આ વિશે ફરિયાદ કરી હતી. તેની માતાએ સોસાયટીમાં પૂછપરછ કરી અને એક કલાક પહેલાં કોણ આવ્યું હતું તેની ભાળ કાઢી. ડિલિવરી મૅન આરોપી છે એવું ખબર પડતાં તેણે ચારકોપ પોલીસ સ્ટેશનમાં FIR નોંધાવી હતી. ત્યાર બાદ પોલીસે બુધવારે સાહુની ધરપકડ કરી હતી.