ન્યુઝ કંટીન્યૂઝ બ્યુરો
મુંબઈ, ૨૯ એપ્રિલ 2021
ગુરૂવાર
એક તરફ લોકડાઉન ને કારણે વાહન વ્યવહાર બંધ છે. રસ્તા સુમસાન છે. આને કારણે એવું લાગી રહ્યું હતું કે હવા શુદ્ધ થશે. પરંતુ અવળું ચિત્ર દેખાઈ રહ્યું છે. મહારાષ્ટ્રમાં ઠેકઠેકાણે માવઠા પડી રહ્યા છે. તેમજ મુંબઈ શહેરમાં ભારે ગરમી છે. આ પરિસ્થિતિમાં મુંબઈમાં ભેજનું વાતાવરણ ઘણું વધી ગયું છે અને તેની સાથે જ પ્રદૂષણના સૂક્ષ્મ કણો ભેજ સાથે ભળી ગયા છે. આ કારણથી મુંબઈ નું વાતાવરણ ખરાબ છે.
વેધશાળાએ બુધવારના દિવસે નોંધેલા રીડિંગ મુજબ મુંબઈના મલાડ વિસ્તારમાં હવામાન સૌથી ખરાબ છે. જ્યારે કે કોલાબા અને મજગાવ વિસ્તારમાં વાતાવરણ સૌથી વધારે દૂષિત છે. બીજી તરફ બોરીવલી, ભાંડુપ, અંધેરી, બાંદ્રા કુર્લા કોમ્પ્લેક્સ અને ચેમ્બુરમાં મધ્યમ ખરાબ હવા છે.
આ અહેવાલથી એવું લાગી રહ્યું છે કે લોકડાઉન ને કારણે હવામાં સુધરે એવી કોઈ વાત નથી.
