Navi Mumbai: પહેલા બારમાંથી બિયર ખરીદી, પછી બહાર કરવા લાગ્યો પેશાબ, મેનેજરે રોકયો તો યુવકોએ તેને 1 કિમી સુધી ઘસડ્યો, જુઓ વિડિયો

News Continuous Bureau | Mumbai

Navi Mumbai: મહારાષ્ટ્રના નવી મુંબઈના તુર્ભેમાં એક કારમાં બે યુવકો બાર મેનેજરને લગભગ 1 કિમી સુધી ઘસડ્યો. આ સમગ્ર ઘટના સીસીટીવી કેમેરામાં કેદ થઈ ગઈ. મળતી માહિતી મુજબ, બંને કાર સવારો બિયર ખરીદવા બાર પર પહોંચ્યા હતા. બિયર ખરીદ્યા પછી, જ્યારે બંને પાછા જવા લાગ્યા, ત્યારે તેમાંથી એક બારની સામે પેશાબ કરવા લાગ્યો. જ્યારે મેનેજરે તેમ કરવાની ના પાડી તો ઝઘડો અને મારપીટ શરૂ થઈ ગઈ. દરમિયાન, જ્યારે મેનેજર કારની સામે ઉભો હતો, ત્યારે યુવકોએ તેમના પર કાર ચલાવવાનો પ્રયાસ કર્યો અને તેમને લગભગ એક કિલોમીટર દૂર ઘસડી ગયા.

આ સમાચાર પણ વાંચો: Alia Bhatt  ‘વોટ ઝુમકા’ પર રીલ કરતા જોવા મળ્યા રણવીર-આલિયા, કરણે પણ કર્યો કેમિયો, જુઓ ફની વીડિયો

મળતી માહિતી મુજબ બે યુવકો અને બાર મેનેજર વચ્ચે બોલાચાલી અને મારામારી થઈ હતી. આ પછી કારમાં બેઠેલા યુવકોએ બાર મેનેજર પર કાર ચઢાવવાનો પ્રયાસ કર્યો, જેથી તે બચવા માટે બોનેટ પર ચઢી ગયો. આથી ગુસ્સે ભરાયેલા યુવકોએ કારને રોકવાને બદલે તેને એક કિલોમીટર દૂર સુધી ખેંચી ગયા. આ દરમિયાન મેનેજર નીચે પડી ગયો હતો અને બંને યુવકો તેને છોડીને ભાગી ગયા હતા. આ મામલે મેનેજરે પોલીસમાં ફરિયાદ નોંધાવી છે. હાલ પોલીસ આરોપીને શોધી રહી છે.