News Continuous Bureau | Mumbai
બૃહન્મુંબઈ ઇલેક્ટ્રિક સપ્લાય એન્ડ ટ્રાન્સપોર્ટ (BEST) ઉપક્રમ આગામી દિવસોમાં બે નવા બસ રૂટ શરૂ કરશે, એક બાંદ્રા કુર્લા કોમ્પ્લેક્સ (BKC) થી અંધેરી પૂર્વમાં ગુંદાવલી મેટ્રો સ્ટેશન અને બીજો મીરા રોડથી દહિસર પૂર્વ મેટ્રો સ્ટેશન સુધી.
જાહેરાત કરતાં, બેસ્ટના જનરલ મેનેજર લોકેશ ચંદ્રાએ જણાવ્યું હતું કે મુસાફરોને મેટ્રો દ્વારા મુસાફરી કરવી અનુકૂળ લાગે છે, પરંતુ તેઓએ BKC અને મીરા રોડથી મેટ્રો સ્ટેશનો સુધી ઓટો લેવી પડતી હતી. પરંતુ ઓટો મોંઘી પડે છે અને તેની સરખામણીમાં, એસી બસનું ભાડું 5 કિમી માટે રૂ. 6 છે. તેથી, અમે ઓફિસ જનારાઓ અને રહેવાસીઓને બે મેટ્રો સ્ટેશનો સાથે કનેક્ટિવિટી પૂરી પાડવા માટે આ રૂટ પર બસો શરૂ કરવાની યોજના બનાવી છે.
મીરા રોડથી દહિસર મેટ્રો માટે નવી બસ સેવા શુક્રવારથી શરૂ કરવામાં આવી શકે છે, જ્યારે BKC થી ગુંદાવલી મેટ્રો સ્ટેશનની બસ સેવા આવતા સોમવારથી શરૂ થઈ શકે છે.
આ સમાચાર પણ વાંચો : આનંદો.. શરૂ થઈ ‘વોટર ટેક્સી’. હવે ગણતરીની મિનિટોમાં પહોંચી જવાશે મુંબઈથી બેલાપુર.. જાણો કેટલું હશે ભાડું
ઉલ્લેખનીય છે કે ગત 20 જાન્યુઆરી, 2023 થી મેટ્રો સ્ટેશનોને જોડતી નવી સેવાઓ શરૂ કરી હતી.
