ન્યુઝ કન્ટિન્યુઝ બ્યુરો
મુંબઈ, ૨૫ જૂન ૨૦૨૧
શુક્રવાર
બીએમસી આખરે ૪૦૦૦ કરોડની લોન મેળવવા માટે ફ્લોટિંગ ઇન્ફ્રા બોન્ડનો ઉપયોગ કરવાનું વિચારી રહી છે. આ નાણાંનો ઉપયોગ પુલ અને સ્ટોર્મ વોટર ડ્રેઇન જેવા વિવિધ વિકાસલક્ષી પ્રોજેક્ટ માટે કરવામાં આવશે. પાલિકા જાન્યુઆરીથી વિવિધ સમિતિના વડાઓ અને જન પ્રતિનિધિઓ સાથે યોજનાની વિગતોને અંતિમ સ્વરૂપ આપતા પહેલા કામ કરી રહી છે.
કોવિડ સંબંધિત ખર્ચને કારણે BMC ની આવકમાં ધરખમ ઘટાડો થયો છે. ઉપરાંત મહામારીને કારણે મિલકત, પાણી વેરો, વિકાસ ચાર્જ અને અન્ય ઘણા વિભાગો હેઠળની કમાણીમાં ઘટાડો થયો છે. 2020-21માં પાલિકાની આવક 28,448.30 કરોડ થવાની ધારણા હતી, પરંતુ વાસ્તવમાં સંગ્રહમાં રૂ .5,876.17 કરોડનો ઘટાડો થયો હતો. નાણાકીય વર્ષ 2021-22માં આવક 27,811.57 કરોડ થવાની અપેક્ષા છે. આ અંદાજ પાછલા વર્ષ કરતા ઓછો છે. મહેસુલમાં થયેલા ઘટાડાને લીધે બીએમસીને ફ્લોટ ઇન્ફ્રા બોન્ડની યોજના અમલમાં મૂકવા જઈ રહી છે.
મુંબઈનું સિદ્ધિવિનાયક મંદિર 16,000 લિટર ઘીની નીલામી કરશે. મંદિર બંધ થતાં ઉપયોગ ઘટયો. જાણો વિગત
ઉલ્લેખનીય છે કે નાણાકીય વર્ષની શરૂઆતના છ મહિનામાં પાલિકાની આવકમાં ૪૧% ઘટાડો થયો હતો. આ સંકટમાંથી બહાર આવવા માટે સપ્ટેમ્બર 2020માં, તેણે પોતાની સ્થિર થાપાણોમાંથી 5000 કરોડ રૂપિયા ઉપાડવાનો નિર્ણય કર્યો હતો.
