Waqf Bill: વકફ બિલ પાસ થતાં જ કોંગ્રેસને મોટો ઝટકો, મહારાષ્ટ્રના મુસ્લિમ નેતાએ પાર્ટી છોડી, પૂર્વ ધારાસભ્યએ આપ્યું રાજીનામું

News Continuous Bureau | Mumbai

Waqf Bill: દેશની સૌથી જૂની પાર્ટી કોંગ્રેસ (Congress) એક તરફ જ્યાં પોતાને મજબૂત બનાવવા માટે ગુજરાતના અમદાવાદમાં રાષ્ટ્રીય અધિવેશનની તૈયારીઓમાં લાગી છે, ત્યાં બીજી તરફ મહારાષ્ટ્રમાં ફરી એકવાર પાર્ટીને મોટો ઝટકો લાગ્યો છે.

યૂસુફ અબ્રાહનીએ આપ્યું રાજીનામું

કોંગ્રેસના પૂર્વ ધારાસભ્ય યૂસુફ અબ્રાહની (Yusuf Abrahani)એ પાર્ટીના તમામ પદ અને સભ્યપદમાંથી રાજીનામું આપી દીધું છે. અબ્રાહનીએ પોતાનું રાજીનામું કોંગ્રેસના રાષ્ટ્રીય અધ્યક્ષ મલ્લિકાર્જુન ખડગે (Mallikarjun Kharge)ને મોકલ્યું છે, સાથે જ તેની એક નકલ મુંબઈ કોંગ્રેસ અધ્યક્ષ વર્ષા ગાયકવાડને પણ મોકલી છે.

આ સમાચાર પણ વાંચો : Hardik Pandya: કૅપ્ટન હાર્દિક પંડ્યા નહીં, મુંબઈ ઈન્ડિયન્સની હાર માટે ‘આ’ ખેલાડી જવાબદાર; જાણો ખરેખર શું થયું?

પાર્ટીની ખરાબ સ્થિતિ

કોંગ્રેસમાંથી રાજીનામું આપવાના કારણે યૂસુફ અબ્રાહનીએ જણાવ્યું કે પાર્ટીની હાલત ખૂબ ખરાબ છે અને તેના માટે પાર્ટીના નેતાઓ જ જવાબદાર છે. તેમણે આ વાત રાહુલ ગાંધીને વિગતે કહી હતી પરંતુ કંઈ થયું નહીં. વકીલ તરીકે યૂસુફ અબ્રાહની ઘણા મુસ્લિમ સંગઠનો અને એસોસિએશન સાથે પણ જોડાયેલા છે. તેઓ હાલમાં ઇસ્લામ જિમખાના (Islam Gymkhana)ના અધ્યક્ષ છે.