News Continuous Bureau | Mumbai
મુંબઈ (Mumbai) ના છત્રપતિ શિવાજી મહારાજ આંતરરાષ્ટ્રીય એરપોર્ટ (Chhatrapati Shivaji Maharaj International Airport) પર રવિવારે કસ્ટમ અધિકારીઓએ અલગ-અલગ કાર્યવાહીમાં રૂ. 32 કરોડની કિંમતનું 61 કિલો સોનું જપ્ત કર્યું હતું, જે એક જ દિવસમાં વિભાગ દ્વારા એરપોર્ટ પર જપ્ત કરવામાં સૌથી વધુ સોનું (gold) છે.
#WATCH | 61 kg gold valued at Rs 32 crore seized at Mumbai airport. 7 accused including 5 male & 2 female passengers were arrested. The gold bars were concealed on their body in a specially designed belt, having multiple pockets, wrapped around their torso: Mumbai Airport Customs pic.twitter.com/TrGP9Rvx8I
— ANI (@ANI) November 13, 2022
જણાવવામાં આવી રહ્યું છે કે, ઉપરોક્ત સોનું ચાર અલગ અલગ લોકો પાસેથી મળી આવ્યું હતું. સૂત્રોના જણાવ્યા અનુસાર ચારેય આરોપીઓ કતાર (Qatar) ની રાજધાની દોહાથી આવી રહ્યા હતા જ્યારે બાકીના 3 પેસેન્જર બીજેથી આવી રહ્યાં હતા. કુલ સાત આરોપીઓની ધરપકડ કરવામાં આવી છે.
આ સમાચાર પણ વાંચો:કામના સમાચાર : સરકારે આધાર કાર્ડના નિયમોમાં કર્યો ફેરફાર, હવે આધારમાં આ કામ કરવું બન્યું ફરજીયાત
મળતી જાણકરી મુજબ મુસાફરોએ સોનાની દાણચોરી માટે ખાસ કરીને ડિઝાઈન કરાયેલા પટ્ટાનો ઉપયોગ કર્યો હતો. મુસાફરોના શરીર પર બેલ્ટ જોવા મળ્યો હતો જેમાં અલગ અલગ પોકેટ હતા જેમાં સોનાના બિસ્કિટ સંતાડીને લવાયા હતા પરંતુ કસ્ટમ વિભાગની ચકોર નજરમાંથી તે છટકી શક્યા નહોતા.
તપાસ દરમિયાન કસ્ટમ અધિકારીઓને આ રેકેટમાં ભારતના સૌથી મોટા સોનાના દાણચોરની સંડોવણી અંગે પણ કડીઓ મળી છે. હવે રેકેટનો પર્દાફાશ કરવા અધિકારીઓ દ્વારા દરોડા પાડવામાં આવી રહ્યા છે.
