News Continuous Bureau | Mumbai
Dharavi Sex Trafficking Racket મુંબઈના ધારાવી વિસ્તારમાં ઘરકામ અપાવવાના બહાને સગીરાનું અપહરણ કરી તેને બળજબરીથી દેહવ્યાપારના ગંદકીભર્યા દલદલમાં ધકેલતા એક સેક્સ ટ્રાફિકિંગ રેકેટનો મુંબઈ ક્રાઈમ બ્રાન્ચના યુનિટ૯ દ્વારા પર્દાફાશ કરવામાં આવ્યો છે; પોલીસે સમયસૂચકતા વાપરીને ૧૬ વર્ષની સગીરાને નરાધમોની ચુંગાલમાંથી હેમખેમ મુક્ત કરાવી છે; આ ઘૃણાસ્પદ ગુનામાં સંડોવાયેલી એક મહિલા સહિત બે આરોપીઓને પોલીસે રંગેહાથ ઝડપી પાડીને જેલના સળિયા પાછળ ધકેલી દીધા છે.
Dharavi Sex Trafficking Racket – નોકરીની લાલચે બોલાવી રૂમમાં ગોંધી રાખી: જાનથી મારવાની ધમકી આપી
ક્રાઈમ બ્રાન્ચની તપાસમાં બહાર આવેલી વિગતો અનુસાર, આરોપી મહિલાએ ૧૬ વર્ષીય પીડિત સગીરાને આર્થિક મદદ અને સારો પગાર ધરાવતું ઘરકામ અપાવવાની લાલચ આપી હતી. ભોળવાઈ ગયેલી સગીરાને ધારાવીની એક ચાલ સ્થિત રૂમમાં બોલાવવામાં આવી હતી, જ્યાં તેને ગોંધી રાખી તેનું અપહરણ કરવામાં આવ્યું હતું. આરોપીઓએ તેને બળજબરીથી દેહવિક્રયના ધંધામાં ધકેલવાનો પ્રયાસ કર્યો હતો. જ્યારે સગીરાએ આ કૃત્યનો વિરોધ કર્યો ત્યારે આરોપીઓએ તેને સમાજમાં બદનામ કરવાની અને તેની માતાને જાનથી મારી નાખવાની ધાકધમકી આપીને ભયના ઓથાર હેઠળ રાખી હતી.
Dharavi Sex Trafficking Racket – ક્રાઈમ બ્રાન્ચ યુનિટ-9 નું છટકું: ₹10,000 લેતાં જ આરોપીઓ ઝડપાયા
આ ગેરકાયદે કાળા કારોબાર અંગે મુંબઈ ક્રાઈમ બ્રાન્ચના યુનિટ-૯ ને ગુપ્ત બાતમી મળી હતી. બાતમીની ખરાઈ કર્યા બાદ પોલીસે છટકું ગોઠવ્યું હતું અને એક નકલી (ડમી) ગ્રાહકને સંબંધિત ચાલમાં મોકલ્યો હતો. દલાલી અને વ્યવહાર પેટે આરોપીઓએ ડમી ગ્રાહક પાસેથી જેવી ₹૧૦,૦૦૦ ની રોકડ રકમ સ્વીકારી, કે તરત જ છૂપી રહેલી ક્રાઈમ બ્રાન્ચની ટીમે દરોડો પાડી દીધો હતો. પોલીસે ઘટનાસ્થળેથી મહિલા સહિત બંને આરોપીઓની ધરપકડ કરી લીધી હતી અને બંધ રૂમમાંથી પીડિતાને સુરક્ષિત રીતે રેસ્ક્યુ કરી હતી.
Dharavi Sex Trafficking Racket – સગીરાને શેલ્ટર હોમ મોકલાઈ: PITA અને POCSO હેઠળ કડક ગુનો દાખલ
બચાવાયેલી સગીરાના કાઉન્સેલિંગ દરમિયાન અન્ય એક ચોંકાવનારી બાબત સામે આવી હતી કે ભણવા બાબતે ભૂતકાળમાં તેની માતા દ્વારા પણ તેના પર અમાનવીય અત્યાચાર ગુજારવામાં આવ્યો હતો અને તેના પગ પર ડામ દેવાયા હતા. પોલીસે એનજીઓના સહયોગથી સગીરાને તાત્કાલિક બાળ સુરક્ષા શેલ્ટર હોમ મોકલી આપી છે. પકડાયેલા બંને આરોપીઓ વિરુદ્ધ ભારતીય ન્યાય સંહિતા (BNS), પ્રિવેન્શન ઓફ ઈમમોરલ ટ્રાફિકિંગ એક્ટ (PITA) અને પોક્સો (POCSO) ની ગંભીર કલમો હેઠળ ગુનો નોંધીને આંતરરાજ્ય નેટવર્કની ઊંડાણપૂર્વક તપાસ શરૂ કરવામાં આવી છે.
👉 આ સમાચાર વાચો:
Maharashtra FDA Raids FDA ના રાજ્યવ્યાપી દરોડા કેમિકલથી પકવેલાં કેળાં અને ડિટર્જન્ટવાળું દૂધ ઝડપાયું; મુંબઈકોંકણમાંથી ₹1.29 કરોડનો મુદ્દામાલ જપ્ત
