News Continuous Bureau | Mumbai
Digital Arrest Scam મુંબઈમાંથી સાયબર ઠગાઈ (Cyber fraud) નો એક અત્યંત ચોંકાવનારો મામલો સામે આવ્યો છે, જ્યાં સાઉથ મુંબઈમાં રહેતી ૬૮ વર્ષીય એક નિવૃત્ત મહિલા ‘ડિજિટલ અરેસ્ટ’ (Digital arrest) કૌભાંડનો ભોગ બની છે. ઠગોએ મની લોન્ડરિંગ અને આતંકી ફંડિંગ જેવા ગંભીર કેસોમાં ફસાવી દેવાની ધમકી આપીને મહિલા પાસેથી કુલ રૂ. ૭,૨૧,૨૪,૦૫૧ ની મસમોટી રકમ પડાવી લીધી છે.
Digital Arrest Scam – સરકારી અધિકારી અને પોલીસ બનીને આપ્યો છેતરપિંડીને અંજામ
ઠગાઈ કરનારાઓએ પોલીસ અને વિવિધ સરકારી અધિકારીઓ (Government officials) હોવાનું નાટક કરીને ફોન અને વીડિયો કૉલ (Video call) કર્યા હતા. આરોપીઓએ દાવો કર્યો હતો કે નાસિકમાં મહિલાના નામે એક મોબાઈલ નંબર લેવામાં આવ્યો છે અને તેનો ઉપયોગ આતંકી ફંડિંગ માટે થઈ રહ્યો છે. આ નકલી તપાસના ડરથી મહિલા માનસિક દબાણમાં આવી ગઈ હતી.
પીડિત મહિલા પર દબાણ વધારવા માટે ઠગોએ કેનેરા બેંકનું બોગસ ડેબિટ કાર્ડ તેમજ રિઝર્વ બેંક ઓફ ઈન્ડિયા (RBI) અને એન્ફોર્સમેન્ટ ડિરેક્ટોરેટ (ED) ના ખોટા તથા નકલી આદેશો બનાવીને મોકલ્યા હતા. ભયના વાતાવરણમાં મહિલાએ પોતાની ફિક્સ્ડ ડિપોઝિટ (Fixed deposit) અને મ્યુચ્યુઅલ ફંડ્સ (Mutual funds) તોડી નાખ્યા હતા.
H 3 – Digital Arrest Scam – આરટીજીએસ અને ‘બિનન્સ’ એપ દ્વારા ટ્રાન્સફર કર્યા નાણાં
ઠગોની સૂચના મુજબ મહિલાએ આરટીજીએસ (RTGS) અને ‘બિનન્સ’ (Binance) એપ દ્વારા યુએસડીટી (USDT) ખરીદીને ઠગોના ક્રિપ્ટો વોલેટમાં નાણાં મોકલી આપ્યા હતા. બાદમાં છેતરપિંડીની શંકા જતાં તેમણે નેશનલ સાયબર હેલ્પલાઇન નંબર ૧૯૩૦ પર ફરિયાદ નોંધાવી હતી, અને હાલ સાઉથ રીજીયન સાયબર પોલીસ (Cyber police) આ મામલાની ઊંડાણપૂર્વક તપાસ કરી રહી છે.
👉 આ સમાચાર વાચો:
Pune Police Drugs Destruction પુણે પોલીસનો ડ્રગ્સ વિરુદ્ધ સપાટો, ૪ કરોડથી વધુ કિંમતના ૪૫૫ કિલો અમલી પદાર્થોનો નાશ
