News Continuous Bureau | Mumbai
Drug Free Mumbai Drive મુંબઈ શહેરને સંપૂર્ણપણે નશા મુક્ત કરવાના ઉદ્દેશ્યથી શરૂ કરવામાં આવેલા ‘ડ્રગફ્રી મુંબઈ’ અભિયાન (DrugFree Mumbai Drive) અંતર્ગત મુંબઈ પોલીસ અને બૃહન્મુંબઈ મહાનગરપાલિકા (BMC) દ્વારા વિશાળ સંયુક્ત કાર્યવાહી કરવામાં આવી છે. શહેરની વિવિધ શાળાઓ અને કોલેજોની નજીક ગેરકાયદેસર રીતે ધમધમતા ૧,૪૯૭ પાનના ગલ્લાઓ સામે કડક પગલાં ભરીને તેને બંધ કરાવવામાં આવ્યા છે.
Drug Free Mumbai Drive – શૈક્ષણિક સંસ્થાઓની આસપાસ ૫૦ થી ૧૦૦ મીટરના દાયરામાં કાર્યવાહી
જુલાઈ મહિના દરમિયાન હાથ ધરવામાં આવેલા આ વિશેષ ઓપરેશનમાં (Special Operation) શૈક્ષણિક સંસ્થાઓની આસપાસના ૫૦ થી ૧૦૦ મીટરના દાયરામાં ચાલતી પાન-બીડીની દુકાનો અને ગલ્લાઓને લક્ષ્ય બનાવવામાં આવ્યા હતા. નિયમોનો ભંગ કરીને નશાકારક પદાર્થો અને સિગારેટ-તમાકુનું વેચાણ કરતા ગલ્લાઓને તાત્કાલિક ધોરણે હટાવીને કાયદેસરની કાર્યવાહી કરવામાં આવી હતી.
Drug Free Mumbai Drive – વિવિધ વિભાગોમાં હાથ ધરાયેલી કામગીરીના આંકડા
મળતી સત્તાવાર વિગતો અનુસાર, મુંબઈના સાઉથ ડિવિઝનમાં ૧૯૯, સેન્ટ્રલ ડિવિઝનમાં ૪૮૦, ઈસ્ટ ડિવિઝનમાં ૧૭૩, વેસ્ટ ડિવિઝનમાં ૧૬૫ અને નોર્થ ડિવિઝનમાં ૪૮૦ પાનના ગલ્લાઓ સામે આકરી કાર્યવાહી હાથ ધરવામાં આવી છે. પોલીસ અને મિશ્ર ટીમ દ્વારા કાયદાનો ભંગ કરનારા દુકાનદારો સામે દંડ અને જપ્તીની ઝુંબેશ ચલાવવામાં આવી હતી.
Drug Free Mumbai Drive – યુવાધનને નશાની લતથી બચાવવા માટે સતત મોનિટરિંગ
મુંબઈ પોલીસ કમિશનરેટ અને પાલિકા પ્રશાસન દ્વારા સ્પષ્ટ કરવામાં આવ્યું છે કે યુવાધનને નશાની લતથી બચાવવા માટે આ ઝુંબેશ આગામી દિવસોમાં પણ ચાલુ રહેશે. શાળા-કોલેજોની નજીક શંકાસ્પદ પ્રવૃત્તિઓ પર નજર રાખવા માટે નાઇટ પેટ્રોલીંગ (Night Patrolling) અને સરપ્રાઇઝ ચેકિંગ પણ વધારી દેવામાં આવ્યું છે.
👉 આ સમાચાર વાચો:
BKC Diamond Merchant Fraud BKC માં હીરા વેપારી સાથે અધધ આટલા કરોડની છેતરપિંડી, મિત્ર વેપારી સામે ગુનો દાખલ
