News Continuous Bureau | Mumbai
બુધવાર, ૨૭ ઓગસ્ટ ૨૦૨૫ના રોજ વહેલી સવારે ૫ વાગ્યે મંડળના અધ્યક્ષ બાલાસાહેબ સુદામ કાંબળેના હસ્તે લાલબાગચા રાજાની પ્રતિષ્ઠાપના કરવામાં આવી. ત્યારબાદ, ગણેશોત્સવ ૨૦૨૫ના ઉદ્ઘાટન સમારોહની સાથે લાલબાગચા રાજાનો વાર્ષિક અહેવાલ પણ પ્રસિદ્ધ કરવામાં આવ્યો. આ જ રીતે ચિંચપોકલી ના ચિંતામણીની પણ વિધિવત પ્રતિષ્ઠાપના થઈ ચૂકી છે. પોતાના પ્રિય ગણપતિ બાપ્પાના દર્શન કરવા માટે ભક્તોએ મંગળવાર રાતથી જ લાઈન લગાવી દીધી છે.
હાઇ-ટેક સીસીટીવી કેમેરાથી સુરક્ષામાં વધારો
આ વર્ષે મુંબઈ પોલીસે ગણેશ મંડળોની સુરક્ષા માટે ૨૭૨ અત્યાધુનિક સીસીટીવી કેમેરા લગાવ્યા છે. આ કેમેરા માત્ર વિડીયો રેકોર્ડિંગ કરવા માટે નથી, પરંતુ તેમાં આર્ટિફિશિયલ ઇન્ટેલિજન્સ સોફ્ટવેર પણ સામેલ કરવામાં આવ્યું છે. આ કેમેરા ભીડની સ્થિતિ, શંકાસ્પદ હલનચલન અને સુરક્ષામાં રહેલી ખામીઓનું વિશ્લેષણ કરીને પોલીસને તુરંત એલર્ટ મોકલશે.
આર્ટિફિશિયલ ઇન્ટેલિજન્સ દ્વારા ભીડનું સચોટ માપન
મોટી ભીડમાં કેટલા લોકો છે, તે ચોક્કસ રીતે ઓળખવું મુશ્કેલ હોય છે, પરંતુ આ વર્ષે આર્ટિફિશિયલ ઇન્ટેલિજન્સ ટેકનોલોજીને કારણે ભીડનું સચોટ માપન થઈ શકશે. જો નિર્ધારિત મર્યાદા કરતાં ભીડ વધી જશે, તો વધારાના પોલીસ અને સ્વયંસેવકોને તૈનાત કરવામાં આવશે. આનાથી અફરાતફરી ટાળી શકાશે અને ભક્તો ને દર્શન સરળતાથી થઈ શકશે.
આ સમાચાર પણ વાંચો : Lalbaugcha Raja: લાલબાગચા રાજા મંડળને BMCની નોટિસ; મળી ૨૪ કલાકમાં કાર્યવાહી કરવાની ચેતવણી, જાણો શું છે સમગ્ર મામલો
ભાવિકોની સાથે પોલીસ અને સ્વયંસેવકો પર પણ નજર
આ કેમેરા ફક્ત ભક્તો પર જ નજર રાખશે નહીં, પરંતુ પોલીસ અને સ્વયંસેવકોની ઉપસ્થિતિ પણ તપાસશે. જો કોઈ મહત્વના સ્થળે કર્મચારીઓ હાજર નહીં હોય, તો સિસ્ટમ તરત જ એલર્ટ મોકલશે. આનાથી ભક્તોને દરેક જગ્યાએ સરળતાથી મદદ મળી રહેશે.
