News Continuous Bureau | Mumbai
Malad Extortion મુંબઈની મલાડ પોલીસે અત્યંત કુશળતાપૂર્વક તપાસ કરીને બિશ્નોઈ ગેંગના નામે ₹5 કરોડની ખંડણી માંગનાર વ્યક્તિની ધરપકડ કરી છે. આ કેસમાં ચોંકાવનારી વિગત એ છે કે પકડાયેલો આરોપી ફરિયાદીનો સગો ભત્રીજો છે. મલાડ (પશ્ચિમ) માં રહેતા 62 વર્ષીય શેર બ્રોકર અને તેમના પુત્રને ફેબ્રુઆરીના અંતમાં અજાણ્યા આંતરરાષ્ટ્રીય નંબરો પરથી ધમકીભર્યા મેસેજ મળ્યા હતા. આરોપીએ પોતાને બિશ્નોઈ ગેંગનો સભ્ય ગણાવી પરિવારને ખતમ કરી નાખવાની ધમકી આપી મોટી રકમની માંગણી કરી હતી.આરોપી પોલીસથી બચવા માટે મોર્ડન આઈપી એડ્રેસ અને VPN (વર્ચ્યુઅલ પ્રાઇવેટ નેટવર્ક) ટેકનોલોજીનો ઉપયોગ કરી રહ્યો હતો. જોકે, મલાડ પોલીસે ડિજિટલ ફૂટપ્રિન્ટ્સના આધારે શોધી કાઢ્યું કે આ ધમકીઓ હરિયાણાના ગુરુગ્રામથી આપવામાં આવી રહી છે. વરિષ્ઠ અધિકારીઓના માર્ગદર્શન હેઠળ પોલીસની એક ટીમ ગુરુગ્રામ પહોંચી હતી અને સ્થાનિક પોલીસની મદદથી 40 વર્ષીય આરોપી ભત્રીજાને ઝડપી પાડ્યો હતો.
ડિજિટલ ફૂટપ્રિન્ટ્સ દ્વારા ઉકેલાયો ભેદ
પોલીસ પાસે આ કેસમાં કોઈ ભૌતિક પુરાવા નહોતા. આરોપીએ અત્યંત ચાલાકીથી પોતાની ઓળખ છુપાવવાનો પ્રયાસ કર્યો હતો, પરંતુ મલાડ પોલીસે માત્ર 10 દિવસમાં ટેકનિકલ એનાલિસિસ દ્વારા આરોપી સુધી પહોંચવામાં સફળતા મેળવી છે. આરોપીએ સ્વીકાર્યું હતું કે તેણે પૈસાની લાલચમાં પોતાના જ કાકાના પરિવારને નિશાન બનાવ્યો હતો.
આ સમાચાર પણ વાંચો : India Bangladesh Diesel Supply: બાંગ્લાદેશના સંકટ સમયે ભારત બન્યું ‘તારણહાર’! પાઈપલાઈન દ્વારા મોકલ્યો આટલા ટન ડીઝલનો જથ્થો; મિત્ર દેશને ઈંધણની અછતમાંથી ઉગાર્યો.
કાયદેસરની કાર્યવાહી
મલાડ પોલીસે ભારતીય ન્યાય સંહિતા (BNS) ની કલમ 308 (5) હેઠળ ગુનો નોંધીને આરોપીને મુંબઈ લાવી આગળની તપાસ હાથ ધરી છે. આ સફળતાથી મુંબઈ પોલીસની સાયબર અને ટેકનિકલ તપાસની ક્ષમતા ફરી એકવાર સાબિત થઈ છે.
