News Continuous Bureau | Mumbai
UTS APP Update: UTS APP નો ઉપયોગ મુંબઈમાં અનુકૂળ લોકલ મુસાફરી માટે થાય છે. આ એપ્લિકેશનમાં હવે એક ભાષા ઉમેરવામાં આવી છે. અત્યાર સુધી માત્ર અંગ્રેજી ભાષામાં આ એપ્લિકેશન કામ કરી રહી હતી હવે થી યુઝર્સ મરાઠીમાં યુટીએસ એપનો ઉપયોગ કરી શકશે. તેમજ આ એપ દ્વારા ફર્સ્ટ અને એસી લોકલ પેસેન્જર્સ એકસાથે અનેક ટિકિટ ( ticket ) ખરીદી શકશે.
UTS એપ્લિકેશનમાં નોંધપાત્ર ફેરફારો
યુટીએસ એપ મરાઠીમાં ઉપલબ્ધ કરાવવામાં આવી છે. અગાઉ આ એપ માત્ર હિન્દી અને અંગ્રેજી ભાષામાં ઉપલબ્ધ હતી.
મુસાફરો વર્તમાન તારીખથી પાસ ખરીદ કરી શકશે. આ એપ પરથી માસિક, ત્રિમાસિક, અર્ધવાર્ષિક, વાર્ષિક પાસ બીજા દિવસથી લાગુ થતા હતા પરંતુ હવે વર્તમાન તારીખથી પાસ ખરીદી શકાશે.
અગાઉ સેકન્ડ ક્લાસ સિવાયના એસી, ફર્સ્ટ ક્લાસ કોચમાં મુસાફરી કરતા મુસાફરોને એક સમયે એક જ ટિકિટ મળતી હતી, હવે નિયમોમાં ફેરફાર કરવામાં આવ્યો છે અને હવે બીજી ટિકિટ મેળવવા માટે 10 મિનિટ રાહ જોવાની જરૂર નથી. મુસાફરો એક સાથે ચાર ટિકિટ ખરીદી શકશે.
આ સમાચાર પણ વાંચો: બોર્ડર ઈશ્યુ.. મુંબઈ શેહરના બસ સ્ટોપ પર લાગેલા કર્ણાટકના સીએમના પોસ્ટર ફેંકાઈ પર કાળી શાહી…
દરમિયાન, રેલ્વેએ યુટીએસ મોબાઇલ એપ્લિકેશન દ્વારા ટિકિટ બુકિંગ માટેનું અંતર પણ ઘટાડ્યું છે. ઉપનગરીય ટિકિટ માટે, હાલનું અંતર 2 કિમીથી વધારીને 5 કિમી કરવામાં આવ્યું છે.
2022-23 વચ્ચેના સમયગાળા દરમિયાન મુસાફરો દ્વારા UTS એપનો ઉપયોગ ધીમે ધીમે વધ્યો છે. સપ્ટેમ્બર 2022 (27 સપ્ટેમ્બર 2022 સુધી)માં આ એપ દ્વારા જારી કરાયેલી ટિકિટોની દૈનિક સરેરાશ 36 હજારથી વધીને 74 હજાર થઈ ગઈ છે.
