News Continuous Bureau | Mumbai
Goregaon Cocaine Seized મુંબઈ (Mumbai) માં નશીલા પદાર્થોની હેરાફેરી (Drug Trafficking) કરનારા તત્વો સામે મુંબઈ પોલીસે લાલ આંખ કરી છે. ગોરેગાંવ સ્થિત બાંગુરનગર પોલીસ સ્ટેશન (Bangurnagar Police Station) ની ટીમે એક મોટી અને સફળ કાર્યવાહી કરીને અત્યાર સુધીમાં કુલ ₹21,13,48,500 (21 કરોડ 13 લાખ 48 હજાર 500 રૂપિયા) ની કિંમતનું 4,226.97 ગ્રામ (અંદાજે 4.22 કિલો) કોકેન (Cocaine) જપ્ત કર્યું છે. આ મામલે પોલીસે મલાડ અને મધ્યપ્રદેશના બે આરોપીઓની ધરપકડ કરીને આંતરરાજ્ય ડ્રગ્સ સિન્ડિકેટનો પર્દાફાશ કર્યો છે.
Goregaon Cocaine Seized – ગોરેગાંવ લિંક રોડ પર પેટ્રોલિંગ અને મઢ વિલેજમાં દરોડા દરમિયાન ડ્રગ્સનો જથ્થો કેવી રીતે ઝડપાયો?
પોલીસે જારી કરેલી અખબારી યાદી મુજબ, ગત 2 નવેમ્બર, 2026 ના રોજ રાત્રે 8:00 વાગ્યાના સુમારે બાંગુરનગર પોલીસ સ્ટેશનના આતંકવાદ વિરોધી સેલ (ATC) ના અધિકારીઓ અને કર્મચારીઓ ગોરેગાંવ (પશ્ચિમ) સ્થિત લિંક રોડ પર પેટ્રોલિંગ કરી રહ્યા હતા. આ દરમિયાન શિવમ કો-ઓપરેટિવ સોસાયટી સામે, દક્ષિણ વાહિની લિંક રોડ પર એક શખ્સ શંકાસ્પદ હાલતમાં ઉભેલો જોવા મળ્યો હતો. પોલીસે તેની પૂછપરછ કરીને અંગઝડતી લેતા તેની પાસેથી ₹2,98,500 ની કિંમતનું 5.97 ગ્રામ કોકેન મળી આવ્યું હતું. પૂછપરછમાં આરોપીની ઓળખ ફૂલચંદ્ર ઈશ્વરદયાલ કશ્યપ (ઉં.વ. 31, હાલ રહે. મઢ વિલેજ, મલાડ-પશ્ચિમ, મૂળ રહે. ઉત્તર પ્રદેશ) તરીકે થઈ હતી, જેના બાદ 3 નવેમ્બરના રોજ વહેલી સવારે 3:02 વાગ્યે તેના મઢ વિલેજ સ્થિત નિવાસસ્થાને દરોડો પાડતા ₹3.36 કરોડની કિંમતનું વધુ 672 ગ્રામ કોકેન મળી આવ્યું હતું.
Goregaon Cocaine Seized – મધ્યપ્રદેશના સાગરિતની ધરપકડ બાદ કુલ ₹21.13 કરોડનું કોકેન કેવી રીતે જપ્ત થયું?
પોલીસે આ મુદ્દામાલ જપ્ત કરીને આરોપી વિરુદ્ધ NDPS એક્ટ (NDPS Act) ની વિવિધ કલમો હેઠળ ગુનો નોંધ્યો હતો. પોલીસ તપાસ દરમિયાન ફૂલચંદ્ર કશ્યપે કબૂલાત કરી હતી કે તે આ ડ્રગ્સનો કારોબાર તેના સાગરિત મુજાહિદ અલી (Mujahid Ali – રહે. મધ્યપ્રદેશ) સાથે મળીને ચલાવતો હતો. આ માહિતીના આધારે પોલીસ ટીમે તપાસનો દોર લંબાવીને આરોપી મુજાહિદ અલીની પણ ધરપકડ કરી હતી, અને સમગ્ર કેસની ઊંડાણપૂર્વકની તપાસમાં પોલીસે અત્યાર સુધીમાં કુલ ₹21.13 કરોડથી વધુની કિંમતનું 4,226.97 ગ્રામ કોકેન જપ્ત કરવામાં સફળતા મેળવી છે.
Goregaon Cocaine Seized – મુંબઈ પોલીસના કયા ઉચ્ચ અધિકારીઓ અને ટીમે આ ઓપરેશન પાર પાડ્યું?
આ ડ્રગ્સનો જથ્થો ક્યાંથી લાવવામાં આવ્યો હતો, કોને સપ્લાય કરવાનો હતો અને આ રેકેટમાં અન્ય કોણ-કોણ સામેલ છે, તે દિશામાં પોલીસ વધુ તપાસ ચલાવી રહી છે. આ સમગ્ર કાર્યવાહી મુંબઈ પોલીસ કમિશનર દેવેન ભારતી, જોઈન્ટ સીપી (કાયદો અને વ્યવસ્થા) મનોજકુમાર શર્મા, અપર પોલીસ કમિશનર શશી કુમાર મીના, ડીસીપી (ઝોન-11) પુરુષોત્તમ કરાડ, એસીપી વિનાયક ચવ્હાણ, બાંગુરનગરના સિનિયર પીઆઈ જયવંત પવાર અને પીઆઈ (ક્રાઈમ) યુવરાજ દળવીના માર્ગદર્શન હેઠળ એપીઆઈ મહેશ કોંડુભૈરી, એપીઆઈ સંદીપાન ઉબાળે, પીએસઆઈ પ્રવીણ પડલવાર, પીએસઆઈ શ્રીકાંત કર્પે અને તેમની ટીમે પાર પાડી હતી.
