હાય રે મોંઘવારી: મુંબઈમાં શાકભાજી એટલી મોંઘી થઈ કે લોકોને કઠોળ ખાવાં પડે છે

ન્યુઝ કન્ટિન્યુઝ બ્યુરો 

મુંબઈ, 19 ઑક્ટોબર, 2021

મંગળવાર

મુંબઈમાં શાકભાજીના ભાવ આસમાને પહોંચ્યા છે. એથી મધ્યમ વર્ગના લોકોના રસોડામાંથી શાકભાજી ગાયબ જ થઈ ગઈ છે અને કઠોળ ખાઈને ચલાવી રહ્યા છે. અકાળે વરસાદ અને પેટ્રોલ-ડીઝલના ભાવ વધવાને કારણે મોંઘવારી દિવાળી પહેલાં આકાશને આંબી ગઈ છે. ભાજીઓના દરમાં 10થી 12 ટકાનો વધારો થયો છે.

ફેસ્ટિવ મૂડમાં માર્કેટ!  દિવાળી પહેલા જ શેર બજારમાં દિવાળી, સેન્સેક્સ પ્રથમ વખત 62,000ને પાર તો નિફટી પણ ઐતિહાસિક સ્તરે 

કાંદાના ભાવ 60 રૂપિયા કિલો, ટમેટાં 50 રૂપિયા કિલો થઈ ગયાં છે. કોથમીરની એક ઝૂડી 80 રૂપિયામાં વેચાય છે. 60થી 70 રૂપિયા પ્રતિ કિલોના ભાવે મળતા વટાણા હાલમાં 200થી 240 રૂપિયા કિલોના ભાવે મળે છે. મરચાં, ગવાર, કોબી, ભીંડા, શિમલા મરચાંનો ભાવ 60 રૂપિયા પ્રતિ કિલો થઈ ગયો છે, તો ગાજર, ફ્લાવર, કારેલાંનો ભાવ 80 રૂપિયા થઈ ગયો છે.