News Continuous Bureau | Mumbai
Dahisar Bus Fire Near Petrol Pump મુંબઈના દહિસર વિસ્તારમાં એસ.વી. રોડ પર આવેલી એક પેટ્રોલ પંપની અત્યંત નજીક પાર્ક કરેલી એસી લક્ઝરી બસમાં અચાનક આગ લાગવાની ઘટના બની છે. આગ એટલી વિકરાળ હતી કે જોતજોતામાં આખી બસ આગની લપેટમાં આવી ગઈ હતી. બસ પેટ્રોલ પંપની નજીક હોવાથી વિસ્ફોટ થવાનું અને આગ પંપ સુધી પ્રસરવાનું મોટું જોખમ ઉભું થયું હતું, જેના કારણે વહીવટી તંત્રના જીવ તાળવે ચોંટ્યા હતા.ફાયર બ્રિગેડ અને દહિસર પોલીસની ટીમે તાત્કાલિક ઘટનાસ્થળે પહોંચીને પરિસ્થિતિ પર કાબૂ મેળવ્યો હતો.
પેટ્રોલ પંપ પાસે જોખમી સ્થિતિ
આગની જાણ થતા જ ફાયર બ્રિગેડની ગાડીઓ દોડી ગઈ હતી. ફાયર ફાઈટરોએ સૌથી પહેલા પેટ્રોલ પંપને સુરક્ષિત રાખવા માટે વ્યૂહાત્મક રીતે પાણીનો મારો ચલાવ્યો હતો. જો આગ પેટ્રોલ પંપ સુધી પહોંચી હોત તો દહિસરના આ ભરચક વિસ્તારમાં મોટી જાનહાનિ થઈ શકી હોત. પોલીસની ટીમે સુરક્ષાના ભાગરૂપે પેટ્રોલ પંપ અને આસપાસની દુકાનો તાત્કાલિક ખાલી કરાવી દીધી હતી.
A major fire broke out in an AC luxury bus parked near a petrol pump on S.V.Road in Dahisar. Fire brigade officials and police rushed to the spot after receiving the alert and are working on a war footing to bring the blaze under control.#Mumbai #Dahisar #FireIncident pic.twitter.com/k6duENsFy3
— Visshal Singh (@VishooSingh) March 17, 2026
આ સમાચાર પણ વાંચો : Ali Larijani Killed Israel Attack: ઈઝરાયેલી હુમલામાં અલી લારીજાની અને તેમના પુત્રનું મોત, ઈરાને ૧૦૦ મિસાઈલો છોડી લીધો બદલો; મધ્ય પૂર્વમાં સ્થિતિ બેકાબૂ
શોર્ટ સર્કિટ હોવાનું પ્રાથમિક અનુમાન
પ્રાથમિક તપાસમાં એવું જાણવા મળ્યું છે કે એસી બસમાં શોર્ટ સર્કિટ થવાને કારણે આ આગ લાગી હતી. જોકે, આ દુર્ઘટનામાં કોઈ જાનહાનિના સમાચાર નથી, જે રાહતની વાત છે. અત્યારે બસ સંપૂર્ણપણે બળીને ખાખ થઈ ગઈ છે. ફાયર બ્રિગેડ અને પોલીસ દ્વારા આગના ચોક્કસ કારણની ઊંડી તપાસ હાથ ધરવામાં આવી છે.
