News Continuous Bureau | Mumbai
Massive Drug Raids In Mumbai મુંબઈ પોલીસની ક્રાઇમ બ્રાન્ચે ડ્રગ્સના નેટવર્કને નેસ્તનાબૂદ કરવા માટે એક મોટું અભિયાન શરૂ કર્યું છે. આ આંતરરાજ્ય ડ્રગ્સ રેકેટની તપાસના ભાગરૂપે ક્રાઇમ બ્રાન્ચે મુંબઈના ૧૩ અલગઅલગ સંવેદનશીલ વિસ્તારોમાં એકસાથે દરોડા (Raids) પાડ્યા છે. દક્ષિણ મુંબઈથી લઈને પૂર્વ અને પશ્ચિમ ઉપનગરો સુધી ફેલાયેલા આ સર્ચ ઓપરેશને ડ્રગ્સ માફિયાઓમાં ભારે ફફડાટ પેદા કર્યો છે.
Massive Drug Raids In Mumbai – ૧૦ ટીમો અને ૧૩ ઠેકાણા પર દરોડા
ડ્રગ્સના આ મસમોટા નેટવર્કને તોડવા માટે મુંબઈ એન્ટી-નાર્કોટિક્સ સેલ (ANC) ની ૧૦ અલગ-અલગ ટીમો તહેનાત કરવામાં આવી છે. આ ટીમો અગ્રીપાડા, બાંદ્રા, કોલાબા, પવઈ અને ઘાટકોપર સહિત કુલ ૧૩ લોકેશન્સ પર તપાસ કરી રહી છે. અગાઉ પકડાયેલા ડ્રગ્સ પેડલર્સની આકરી પૂછપરછમાં મળેલી ચોક્કસ કડીઓના આધારે આ ઓપરેશન પાર પાડવામાં આવી રહ્યું છે.
Massive Drug Raids In Mumbai – નકલી કંપનીઓનો પર્દાફાશ
આ તપાસની કડીઓ ગત મે ૨૦૨૬માં અગ્રીપાડામાં ઝડપાયેલી ડ્રગ્સ ફેક્ટરી સાથે જોડાયેલી છે, જ્યાંથી ૫૦.૭૪ કરોડ રૂપિયાનું મેફેડ્રોન (MD) અને હથિયારો મળી આવ્યા હતા. તપાસ દરમિયાન બહાર આવ્યું છે કે, ડ્રગ્સ બનાવવા માટેના કેમિકલ્સ દેશની ૧૧ અલગ-અલગ સપ્લાયર કંપનીઓ પાસેથી મંગાવવામાં આવ્યા હતા, પરંતુ તપાસ કરતા માલૂમ પડ્યું કે આ તમામ ૧૧ કંપનીઓ કાગળ પર જ અસ્તિત્વ ધરાવતી હતી અને તેમના સરનામા નકલી હતા.
Massive Drug Raids In Mumbai – હવે ફાઇનાન્સરો પર પોલીસની નજર
પોલીસ હવે આ ડ્રગ્સ રેકેટના મુખ્ય સૂત્રધારો અને ફાઇનાન્સરો સુધી પહોંચવા માટે મથી રહી છે. બેંક ટ્રાન્ઝેક્શન (Bank Transactions) અને સીસીટીવી ફૂટેજની ઝીણવટભરી તપાસ દ્વારા આ રેકેટમાં સંકળાયેલા મોટા માથાઓને શોધી કાઢવા માટે ક્રાઇમ બ્રાન્ચ કમર કસી રહી છે. મુંબઈ પોલીસની આ સક્રિયતાએ ડ્રગ્સના કાળા કારોબાર સામે મોટો પડકાર ઉભો કર્યો છે.
👉 આ સમાચાર વાચો:
Sion HitAndRun સાયનમાં હિટ એન્ડ રન બાઈકની ટક્કરથી રાહદારીનું મોત, ચાલક ફરાર
