News Continuous Bureau | Mumbai
Mumbai Auto Rickshaw Thieves Arrested મુંબઈના ઉપનગરોમાં ઓટો રિક્ષાની ચોરી કરતી એક સક્રિય ગેંગ વિરૂદ્ધ કાર્યવાહી કરીને ખેરવાડી પોલીસ સ્ટેશનની ટીમે મોટી સફળતા મેળવી છે. બાંદ્રા વિસ્તારમાંથી ઓટો રિક્ષા ચોરી થયાની સત્તાવાર ફરિયાદ મળ્યા બાદ પોલીસે ગણતરીના દિવસોમાં ઓપરેશન હાથ ધરીને બે રીઢા અને શાતિર ચોરોની ધરપકડ કરી લીધી છે.
Mumbai Auto Rickshaw Thieves Arrested – પૂછપરછમાં અન્ય ૧૨ ચોરીના ગુનાઓનો થયો પર્દાફાશ
આ ધરપકડ બાદ આરોપીઓની કરાયેલી આકરી પૂછપરછમાં મુંબઈના જુદા-જુદા વિસ્તારોમાંથી થયેલી અન્ય ૧૨ ઓટો રિક્ષા ચોરીના ગુનાઓનો એકસાથે પર્દાફાશ થયો છે. પોલીસે આરોપીઓ પાસેથી આશરે ૮.૫ લાખ રૂપિયાની કિંમતનો ચોરાયેલો મુદ્દામાલ એટલે કે રિક્ષા અને તેના વિવિધ સ્પેરપાર્ટ્સ રિકવર કર્યા છે.
Mumbai Auto Rickshaw Thieves Arrested – સીસીટીવી ફૂટેજ અને ખબરીઓની મદદથી મળી સફળતા
ખેરવાડી પોલીસમાંથી મળતી સત્તાવાર વિગતો અનુસાર, બાંદ્રા પરિસરમાંથી તાજેતરમાં જ એક રિક્ષા ચોરી થઈ હોવાની ફરિયાદ નોંધાઈ હતી. ગુનાની ગંભીરતા જોઈને પોલીસે એક ખાસ તપાસ ટીમ બનાવી હતી. ઇન્વેસ્ટિગેશન ટીમે ઘટનાસ્થળ અને તેની આસપાસના રૂટના અસંખ્ય સીસીટીવી ફૂટેજ ફેંદી નાખ્યા હતા. ટેકનિકલ સર્વેલન્સ અને સ્થાનિક ખબરીઓ પાસેથી મળેલી સચોટ બાતમીના આધારે પોલીસે સાંતાક્રુઝના વાકોલા પાઇપલાઇન વિસ્તારમાં દરોડો પાડીને આ બંને રીઢા ગુનેગારોને ઘેરાબંધી કરીને ઝડપી લીધા હતા.
Mumbai Auto Rickshaw Thieves Arrested – રાત્રિના સમયે પાર્ક કરેલી રિક્ષાઓને બનાવતા હતા નિશાન
પોલીસ સ્ટેશનમાં જ્યારે બંને આરોપીઓની કડક પૂછપરછ કરવામાં આવી, ત્યારે તેમણે પોતાના ગુનાની કબૂલાત કરી હતી. આરોપીઓએ સ્વીકાર્યું કે તેઓ લાંબા સમયથી મુંબઈના પશ્ચિમ ઉપનગરોમાં રાત્રિના સમયે પાર્ક કરેલી ઓટો રિક્ષાઓને નિશાન બનાવતા હતા. તેમની કબૂલાતના આધારે પોલીસે અત્યાર સુધીમાં રિક્ષા ચોરીના ૧૨ અલગ-અલગ કેસ ડિટેક્ટ કર્યા છે. આ ગેંગ પકડાઈ જતાં મુંબઈના ખાસ કરીને ઓટો રિક્ષા ચાલકો અને માલિકોએ મોટી રાહત અનુભવી છે. ખેરવાડી પોલીસ હાલમાં આરોપીઓને કોર્ટમાં રજૂ કરીને તેમની રિમાન્ડ મેળવવાની પ્રક્રિયા હાથ ધરી રહી છે.
👉 આ સમાચાર વાચો:
Hindu Gods Divine Weapons શું તમે જાણો છો? ભગવાન શિવના ત્રિશૂળ અને શ્રીકૃષ્ણના સુદર્શન ચક્ર પાછળ છુપાયેલી છે બ્રહ્માંડની આ અકલ્પનીય શક્તિઓ!
