ન્યૂઝ કંટીન્યુઝ બ્યૂરો
અમદાવાદ
22 ફેબ્રુઆરી 2021
એક તરફ પેટ્રોલના અને ડીઝલના ભાવ વધી રહ્યા છે ત્યારે સીએનજી ઉપર ચાલનારા રીક્ષા અને ટેક્સીના ભાડા વધી ગયા છે. ટેક્સી યુનિયન દ્વારા રાજ્ય સરકારને વિનંતી કરવામાં આવી હતી કે રિક્ષા અને ટેક્સીના ન્યૂનતમ ભાડા વધારવામાં આવે.
આ સંદર્ભે મુંબઈમાં મંત્રાલય ખાતે યુનિયન તેમજ સરકારી વિભાગની બેઠકનું આયોજન કરવામાં આવ્યું હતું. બેઠકના અંતે રીક્ષા અને ટેક્સીના ન્યૂનતમ ભાડા વધારાને મંજૂરી આપવામાં આવી છે.
હવે નવા ભાડા મુજબ રીક્ષાનું ન્યૂનતમ ભાડું 21 રૂપિયા હશે. આ ભાડું પહેલા ૧૮ રૂપિયા હતું. એટલે કે ભાડા માં ત્રણ રૂપિયાનો વધારો કરવામાં આવ્યો છે.
બીજી તરફ ટેક્સીના ભાડામાં પણ વધારો કરવામાં આવ્યો છે અને હવે ટેક્સી નું ન્યૂનતમ ભાડું 22 રૂપિયા ના સ્થાને 25 રૂપિયા હશે. એટલે કે ટેક્સીના ન્યૂનતમ ભાડામાં પણ ત્રણ રૂપિયાનો વધારો કરવામાં આવ્યો છે.
આમ મુંબઈવાસીઓને માથે મોંઘવારીની આફત તૂટી પડી છે.
