News Continuous Bureau | Mumbai
Mumbai Coastal Road : મુખ્યમંત્રી એકનાથ શિંદેના મહત્વકાંક્ષી પ્રોજેક્ટ એટલે કે મુંબઈના કોસ્ટલ રોડ પર કાર અકસ્માત સર્જાયો છે. મળતી જાણકરી મુજબ આ અકસ્માત ગુરુવારે બપોરે કોસ્ટલ રોડ ટનલમાં થયો હતો. અકસ્માત બાદ કોસ્ટલ રોડ ટનલમાં થોડો સમય ટ્રાફિક જામ થઈ ગયો હતો. દરમિયાન અકસ્માતનો વીડિયો સોશિયલ મીડિયા પર વાયરલ થયો છે. કોસ્ટલ રોડ બન્યા બાદ આ પહેલો અકસ્માત હોવાથી દરેક જગ્યાએ તેની ચર્ચા થઈ રહી છે. જોકે સદનસીબે આ અકસ્માતમાં કોઈ જાનહાનિ થઈ ન હત
જુઓ વિડીયો
And the Marine Drive #CoastalRoad opens its account with its first incident. pic.twitter.com/NphjsFKbDY
— IdiotsOnIndianRoads (@IdiotsRoads) April 4, 2024
કાળા રંગની ટોયોટા કારને ટક્કર મારી હતી
પ્રાપ્ત માહિતી અનુસાર, ઇમરજન્સી કોલ બોક્સ (ECB) પરથી એક વ્યક્તિએ ફોન કર્યો કે CP-5 પાસે ટનલમાં કાર અકસ્માત થયો છે. સ્થાનિક ઓપરેશન મેન્ટેનન્સ રૂમે તાત્કાલિક સીસીટીવી કેમેરાની ઘટનાની તપાસ કરી અને સંબંધિત વિભાગને જાણ કરી. વાયરલ વીડિયોમાં બ્લેક ટોયોટા કારને ટક્કર મારતી જોઈ શકાય છે. અથડામણને કારણે કારની આગળની બાજુને થોડું નુકસાન થયું છે. દુર્ઘટનાની માહિતી મળતાં જ માર્શલની સાથે રેસ્ક્યુ ટીમ તાત્કાલિક ઘટનાસ્થળે પહોંચી ગઈ હતી. ટોઇંગ વાન પણ બોલાવવામાં આવી હતી.
આ સમાચાર પણ વાંચો : Today’s Horoscope : આજે ૫ એપ્રિલ ૨૦૨૪, જાણો આજનું રાશિ ભવિષ્ય અને પંચાંગ
કારનું સ્ટીયરિંગ ઢીલું હોવાને કારણે થયો અકસ્માત
કાર ચાલકના જણાવ્યા મુજબ, તેણે માહિતી આપી હતી કે આ અકસ્માત કારના ઢીલા સ્ટિયરિંગને કારણે થયો હતો. તે સમયે કારમાં બે લોકો હતા. સદનસીબે તેઓને કોઈ ઈજા થઈ ન હતી. દરમિયાન આ ઘટનામાં કારને વ્યાપક નુકસાન થયું છે. અકસ્માતને કારણે ટનલની અંદર મોટી માત્રામાં તેલ ઢોળાયું હતું. માર્શલ ટીમ દ્વારા તેને સાફ કરવામાં આવ્યું છે.
માર્ચમાં જ થયું હતું ઉદ્ઘાટન
તમને જણાવી દઈએ કે મુંબઈમાં કોસ્ટલ રોડનું ઉદ્ઘાટન મુખ્યમંત્રી એકનાથ શિંદેએ 10 માર્ચે કર્યું હતું. આ પ્રસંગે નાયબ મુખ્યમંત્રી અજિત પવાર અને ગૃહમંત્રી દેવેન્દ્ર ફડણવીસ પણ હાજર ર્ય હતા. કોસ્ટલ રોડ પ્રોજેક્ટ મુંબઈવાસીઓ માટે ખૂબ જ મહત્વપૂર્ણ હતો. તે મુંબઈમાં ટ્રાફિકની ભીડ ઘટાડવા માટે બનાવવામાં આવ્યો છે.
(News Continuous brings you all the latest breaking news, viral trends and information from social media world, including Twitter, Instagram and Youtube. The above post is embeded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
