News Continuous Bureau | Mumbai
Mumbai Electricity Demand: મુંબઈમાં ઉનાળો બરાબરનો જામ્યો છે. સૂરજદાદા પ્રકોપ વરસાવી રહ્યા છે. ત્યારે ગરમીના કારણે મુંબઈમાં વીજળીની માંગ માં વધારો થયો છે. મંગળવારે, વીજળીની પીક ટાઇમ માંગ રેકોર્ડ 4,306 મેગાવોટ પર નોંધવામાં આવી હતી. અગાઉ ગયા વર્ષે જૂનમાં સર્વકાલીન ઉચ્ચ વિક્રમ 4,128 મેગાવોટ હતો.
Mumbai Electricity Demand: લગભગ 48 લાખ વીજ ગ્રાહકો
મહત્વનું છે કે મુંબઈ શહેર અને ઉપનગરો(ભાંડુપ, મુલુંડ સિવાય)માં લગભગ 48 લાખ વીજ ગ્રાહકો છે. તેઓ અદાણી ઇલેક્ટ્રિસિટી, ટાટા પાવર અને બેસ્ટ પાસેથી વીજળી મેળવે છે. અદાણી ઇલેક્ટ્રિસિટી પાસે સૌથી વધુ 30 લાખ ગ્રાહકો છે. ત્યાર બાદ આશરે દોઢ લાખ ગ્રાહકો બેસ્ટના અને સાડા સાત લાખ ગ્રાહકો ટાટા પાવર કંપનીના છે. આ ત્રણેય કંપનીઓની સરેરાશ ઉનાળાની વીજ માંગ 3500 થી 3800 મેગાવોટની વચ્ચે છે. પરંતુ આ અઠવાડિયે ગરમીના કારણે જબરદસ્ત વધારો થયો છે.
આ સમાચાર પણ વાંચો: Mumbai Water Cut: પાણી સાચવીને વાપરજો.. મુંબઈના આ વિસ્તારમાં આવતીકાલે વહેલી સવારે મુકાશે પાણીકાપ ; જાણો કારણ..
Mumbai Electricity Demand: બપોરના સમયે વીજળીની માંગમાં વધારો
આ સ્થિતિમાં, ACનો ઉપયોગ વધવાને કારણે, બપોરના સમયે વીજળીની માંગમાં વધારો નોંધાયો હતો અને 21 મે, મંગળવારના રોજ માંગ ટોચ પર પહોંચી હતી. મહા ટ્રાન્સમિશન અથવા રાજ્યભરમાં વીજ પુરવઠાનું સંકલન કરતી સરકારી કંપનીના સૂત્રોના જણાવ્યા અનુસાર, મંગળવારે બપોરે મુંબઈની વીજ માંગ 4306 મેગાવોટની ઊંચી સપાટીએ પહોંચી હતી. તે સમયે અદાણી ઇલેક્ટ્રિસિટી દ્વારા 2253 મેગાવોટનો વિક્રમી વીજળી પુરવઠો પૂરો પાડવામાં આવ્યો હતો. તે પછી, ટાટા પાવરે ગ્રાહકોને લગભગ 1050 મેગાવોટ વીજળી પૂરી પાડી. અગાઉ એપ્રિલ મહિનામાં મુંબઈની સૌથી વધુ પાવર ડિમાન્ડ 4108 મેગાવોટ હતી. તે રેકોર્ડ તૂટી ગયો છે.
ઉલ્લેખનીય છે કે મુંબઈની માંગને પહોંચી વળવા અદાણી ઈલેક્ટ્રીસિટીના દહાણુ થર્મલ પાવર પ્લાન્ટમાંથી 500 મેગાવોટ, ટાટા પાવરના ટ્રોમ્બે પ્રોજેક્ટમાંથી 800 મેગાવોટ અને હાઈડ્રોઈલેક્ટ્રિક પાવરમાંથી 447 મેગાવોટનું ઉત્પાદન કરવામાં આવ્યું હતું. આ સિવાય બાકીની વીજળી ગ્રીન સ્ત્રોતોમાંથી પૂરી પાડવામાં આવતી હતી.
Mumbai Electricity Demand: કારણે થાય છે પાવર કટ
આ વર્ષે ઉનાળાની ઋતુ દર વર્ષની સરખામણીએ વધુ દિવસો સુધી ગરમ અને ભેજવાળી રહી છે. સામાન્ય દિવસોમાં, MMR 2800-3000 MW વીજળી વાપરે છે. વીજળીની માંગમાં અચાનક વધારો થવાને કારણે ઘણા વિસ્તારોમાં પાવર કટ થાય છે. દેશની આર્થિક રાજધાની હોવાને કારણે, મુંબઈમાં વીજ કાપ પ્રમાણમાં ઓછા અથવા લગભગ થતો નથી. છેલ્લા કેટલાક દાયકાઓમાં એમએમઆરના વિસ્તરણને કારણે, વીજળીનો વપરાશ ઝડપથી વધ્યો છે. આખી રાત જાગતા શહેરને અજવાળવા માટે ગુજરાત, રાજસ્થાન અને આસપાસના રાજ્યોમાંથી વીજળી લેવી પડે છે.
