News Continuous Bureau | Mumbai

Mumbai Language row: મુંબઈમાં ફરી એકવાર હિન્દી-મરાઠી ભાષાનો વિવાદ જોવા મળી રહ્યો છે. હાલ સોશિયલ મીડિયા પર એક વીડિયો વાયરલ થયો છે. જેમાં, એક ગ્રાહકે પિઝાના પૈસા ચૂકવવાનો ઇનકાર કર્યો કારણ કે ડિલિવરી બોયને  મરાઠી ભાષા આવડતી નહોતી. આ વીડિયો સોશિયલ મીડિયા પર ઝડપથી વાયરલ થઈ રહ્યો છે. તાજેતરમાં જ્યારે રાજ ઠાકરેના નેતૃત્વ હેઠળના મનસેએ મુંબઈમાં મરાઠી ન બોલવા બદલ હોબાળો મચાવ્યો હતો, ત્યારે સીએમ ફડણવીસે કડક ચેતવણી આપી હતી. તેમણે કહ્યું હતું કે દરેક વ્યક્તિએ મરાઠી બોલવી જોઈએ પરંતુ તેઓ મુંબઈ અને મહારાષ્ટ્રમાં ગુંડાગીરીને મંજૂરી આપશે નહીં. આવું કરનારાઓ સામે કાર્યવાહી કરવામાં આવશે.

Mumbai Language row: જો પૈસા જોઈતા હોય, તો મરાઠી બોલવી પડશે.

સોમવારે, ભાંડુપ વિસ્તારમાં, એક દંપતી  પિઝા ડિલિવરી બોય સાથે બાખડી પડ્યું કારણ કે તે મરાઠીમાં નહીં પણ હિન્દીમાં બોલી રહ્યો હતો.  રહેણાંક ઇમારતમાં ડોમિનોઝ પિઝાનો ડિલિવરી બોય સોમવારે રાત્રે એક ગ્રાહકને પિઝા પહોંચાડવા આવ્યો હતો ત્યારે  દંપતીએ ડિલિવરી બોયને પૈસા આપવાનો ઇનકાર કરી દીધો કારણ કે તે મરાઠીમાં  વાત કરી શકતો ન હતો. આરોપી દંપતીએ ડિલિવરી બોયને કહ્યું કે જો તેને પૈસા જોઈતા હોય તો તેણે મરાઠી માં વાત પડશે.

#Mumbai में डोमिनोज पिज्जा के डिलीवरी बॉय को कस्टमर ने कहा “मराठी बोलो..तो ही पैसे देंगे..12 मई को भांडुप इलाके में डोमिनोज़ पिज्जा के डिलीवरी बॉय रोहित लेवरे को कस्टमर ने पिज्जा के पैसे देने से मना किया क्योंकि “रोहित को मराठी बोलनी नहीं आती..वीडियो आया सामने..@TNNavbharat pic.twitter.com/4x1X0VRX4N

— Atul singh (@atuljmd123) May 13, 2025

Mumbai Language row: ડિલિવરી બોયને પૈસા લીધા વિના જ પાછા ફરવું પડ્યું. 

આ ઘટનાનો વીડિયો સોશિયલ મીડિયા પર ઝડપથી વાયરલ થઈ રહ્યો છે. વાયરલ વીડિયોમાં સ્પષ્ટપણે જોઈ શકાય છે કે દરવાજાની અંદરથી એક દંપતી કહી રહ્યું છે કે જો પૈસા જોઈતા હોય તો  મરાઠી બોલવી પડશે. આ વિવાદ દરમિયાન, ડિલિવરી બોય તેના ફોનમાં વીડિયો રેકોર્ડ કરતો રહ્યો. આમાં તેમને વારંવાર કહેતા સાંભળી શકાય છે કે શું મરાઠી બોલવું જરૂરી છે. આ બળજબરી છે. વીડિયોમાં દેખાતી એક મહિલા વારંવાર કહી રહી છે કે હા, આ જરૂરી છે. જો તું મરાઠી બોલે તો જ હું તને પૈસા આપીશ. અને અંતે ડિલિવરી બોયને પૈસા લીધા વિના જ પાછા ફરવું પડ્યું. 

Mumbai Language row: ડોમિનોઝ તરફથી કોઈ જવાબ આવ્યો નથી

આ મુદ્દે ડોમિનોઝ તરફથી હજુ સુધી કોઈ સત્તાવાર પ્રતિક્રિયા આવી નથી, પરંતુ આ મામલો ફક્ત પિઝા ડિલિવરીનો નથી, પરંતુ મુંબઈમાં હિન્દી વિરુદ્ધ મરાઠી ભાષા વિવાદની બીજી કડી બની રહ્યો છે. તાજેતરમાં, રાજ ઠાકરેની મનસેના કાર્યકરો ઘણી બેંકોમાં ગયા અને બેંક કર્મચારીઓ સાથે ગેરવર્તન કર્યું કારણ કે તેઓ મરાઠી બોલતા નથી આવડતું અને કહ્યું કે જો કોઈ મહારાષ્ટ્રમાં કામ કરવા માંગે છે, તો તેણે મરાઠી બોલવી પડશે. હવે આ નવો મામલો પ્રકાશમાં આવ્યો છે.

આ સમાચાર પણ વાંચો : Mumbai Metro Line 9 : મુંબઈગરાઓની મુસાફરી બનશે વધુ સરળ..આજથી શરૂ થશે દહિસરથી મીરા-ભાયંદર મેટ્રોના ટ્રાયલ રન, જાણો ક્યારથી શરૂ થશે સેવા…

Mumbai Language row: સોશિયલ મીડિયા પર ગુસ્સો ફાટી નીકળ્યો

મરાઠી બોલવાની ફરજ પાડવા અને પિઝા ડિલિવરી બોય સાથે ભાષાના વિવાદ બદલ પણ દંપતીની આકરી ટીકા થઈ રહી છે. ડિલિવરી બોય સાથે ગેરવર્તણૂક કરનારાઓની સોશિયલ મીડિયા પર નિંદા થઈ રહી છે.  એક યુઝર્સે લખ્યું છે કે તેમને ખબર નથી કે એક ગરીબ વ્યક્તિ બે રૂપિયા કેવી રીતે કમાય છે? ભાંડુપ પોલીસે હજુ સુધી આ સંદર્ભમાં કોઈ પ્રતિક્રિયા આપી નથી. 

(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)