News Continuous Bureau | Mumbai

Mumbai Local : લોકલ ટ્રેન ( Local Train news ) મુંબઈગરાઓની લાઈફલાઈન ગણાય છે. લોકલ ટ્રેન દ્વારા દરરોજ લાખો લોકો કરે છે. દરમિયાન મુસાફરી કરતા મુંબઈવાસીઓ માટે મહત્વના સમાચાર છે. આવતીકાલે એટલે કે રવિવારે રેલવેએ મેગાબ્લોક ( Mumbai Local Megablock) નું આયોજન કર્યું છે. આજે શનિવારે પશ્ચિમ રેલવે ( Western Railway ) અને રવિવારે મધ્ય રેલવે ( Central railway ) પર મેગા બ્લોક લેવામાં આવશે. આ મેગા બ્લોક રેલવે ટ્રેક, ઓવરહેડ વાયર, સિગ્નલ સિસ્ટમ અને અન્ય એન્જિનિયરિંગ કામો તેમજ જાળવણી અને સમારકામ માટે લેવામાં આવશે.

પશ્ચિમ રેલવેમાં શનિવારે રાત્રે  બ્લોક ( Night Block ) અને રવિવારે મધ્ય રેલવે પર દિવસના સમયે મેગાબ્લોક લેવામાં આવશે. તેથી, રેલવે પ્રશાસને સલાહ આપી છે કે યાત્રીઓએ મેગાબ્લોકનું શેડ્યૂલ ( Mega Block schedule ) જોઈને જ તેમના ઘર છોડવા જોઈએ. જાણો મધ્ય અને પશ્ચિમ રેલવે પર લોકલ શેડ્યુલ કેવું રહેશે.

Mumbai Local : લોકલ ટ્રેનનું શેડ્યુલ કેવું રહેશે

• પશ્ચિમ રેલ્વે ( Western railway )
  પશ્ચિમ રેલવે પર આજે નાઈટ મેગાબ્લોક રહેશે. બોરીવલીથી ભાઈંદર સ્ટેશન વચ્ચે અપ અને ડાઉન સ્લો લાઇન પર મેગાબ્લોક રહેશે. મેગાબ્લોક શનિવારે રાતે 12:00 PM થી 4:35 AM સુધી રહેશે. આ સમયગાળા દરમિયાન બોરીવલીથી ભાઈંદર સ્ટેશન વચ્ચેની તમામ લોકલ અપ અને ડાઉન ધીમી લાઈનો વિરાર, વસઈ રોડથી બોરીવલી, ગોરેગાંવ વચ્ચે ફાસ્ટ લાઇન પર ચલાવવામાં આવશે. ઉપરાંત, રવિવારે પશ્ચિમ રેલવે પર કોઈ બ્લોક રહેશે નહીં.
• મધ્ય રેલવે ( Central railway )
  મુખ્ય લાઇન પર માટુંગા અને મુલુંડ સ્ટેશનો વચ્ચે અપ અને ડાઉન ફાસ્ટ ટ્રેક પર મેગાબ્લોક રહેશે. સવારે 11.05 થી 3.05 સુધી મેગા બ્લોક રહેશે. મેગા બ્લોક દરમિયાન માટુંગા અને મુલુંડ સ્ટેશનો વચ્ચે અપ અને ડાઉન ફાસ્ટ લાઈનો પરની લોકલ સેવાઓને ધીમી લાઈનમાં ડાયવર્ટ કરવામાં આવશે.

આ સમાચાર પણ વાંચો  : Sion ROB : આખરે મુહૂર્ત નીકળ્યું, મુંબઈના આ બ્રિટિશ કાળના બ્રિજને તોડી પાડવામાં આવશે, બે વર્ષ સુધી ટ્રાફિક રહેશે બંધ, જાણો વૈકલ્પિક માર્ગ..

• હાર્બર રેલ્વે
  હાર્બર રૂટ પર પનવેલથી વાશી વચ્ચે અપ અને ડાઉન રૂટ પર મેગાબ્લોક રહેશે. સવારે 11.05 થી સાંજે 4.05 વાગ્યા સુધી મેગાબ્લોક યોજાશે. બ્લોક દરમિયાન CSMT થી પનવેલ, બેલાપુર સ્ટેશનો વચ્ચે અપ અને ડાઉન રૂટ પરની લોકલ સેવાઓ રદ કરવામાં આવશે. તેથી, ટ્રાન્સહાર્બર રૂટ પર પનવેલથી થાણે સુધીની અપ અને ડાઉન લોકલ સેવાઓ રદ કરવામાં આવશે. બ્લોક સમયગાળા દરમિયાન CSMT થી વાશી લોકલ ચલાવવામાં આવશે. ટ્રાન્સ હાર્બર રૂટ પર સેવાઓ થાણે-વાશી, નેરુલ સ્ટેશન વચ્ચે ઉપલબ્ધ રહેશે. જ્યારે બેલાપુર, નેરુલ અને ઉરણ સ્ટેશનો વચ્ચે પોર્ટ કોરિડોર હશે.