News Continuous Bureau | Mumbai
મુસાફરોને બહેતર ટ્રેન સેવાઓ પ્રદાન કરવા અને મુંબઈ ઉપનગરીય વિભાગ પરની ટ્રેનોમાં ( Mumbai local trains વધુ મુસાફરોને સમાવવાની પહેલમાં, પશ્ચિમ રેલવેએ 12 લોકલ ટ્રેન સેવાઓને 12-કોચથી 15-કોચની ( 15 rack trains ) સેવાઓમાં રૂપાંતરિત કરવાનો નિર્ણય લીધો છે. તેમાં બંને દિશામાં 6 સેવાઓનો સમાવેશ થાય છે. આ 12 સેવાઓમાંથી 6 સેવાઓ ફાસ્ટ લાઇન પર છે. આ ફેરફાર 12 જાન્યુઆરી, 2023થી લાગુ થશે.
પશ્ચિમ રેલવેનો દાવો
પશ્ચિમ રેલવેના જનસંપર્ક વિભાગ પાસેથી પ્રાપ્ત માહિતી અનુસાર, 12 કોચની સેવાઓમાંથી 15 કોચની સેવાઓમાં 12 સેવાઓનું રૂપાંતર મુસાફરો માટે ખૂબ જ ફાયદાકારક સાબિત થશે. તેનાથી દરેક ટ્રેનની વહન ક્ષમતામાં 25 ટકાનો વધારો થશે. પશ્ચિમ રેલવેના મુંબઈ ઉપનગરીય વિભાગમાં કુલ 15 કોચની સેવાઓની સંખ્યા 132 થી વધીને 144 થશે પરંતુ સેવાઓની કુલ સંખ્યામાં કોઈ ફેરફાર થશે નહીં એટલે કે 79 એસી લોકલ સેવાઓ સહિત દૈનિક 1383 સેવાઓ રહેશે. આ ફેરફાર મુસાફરોને તેમની સુવિધા અને આરામ માટે વધારાની જગ્યા આપશે.
આ સમાચાર પણ વાંચો: Gautam Adani meets Raj Thakrey : મુંબઈ ખાતે ગૌતમ અદાણી રાજ ઠાકરેને મળ્યા. ચર્ચાનું બજાર ગરમ
