News Continuous Bureau | Mumbai 

Mumbai Mega Block: મુંબઈ ( Mumbai ) લોકલ દ્વારા મુસાફરી કરનારાઓ માટે મહત્વના સમાચાર છે. શનિવાર રવિવાર મધ્ય રાત્રીના પશ્ચિમ રેલવે ( Western Railway ) પર 10 કલાકનો મેગાબ્લોક ( Mega block ) લેવામાં આવશે. તેમજ રવિવારે સેન્ટ્રલ અને હાર્બર રૂટ પર મેગા બ્લોક રહેશે. જેના કારણે મુસાફરોને મુશ્કેલીનો સામનો કરવો પડે તેવી શક્યતા છે. આ ના કારણે ઘણી ટ્રેનોના શિડ્યુલને અસર થશે. કેટલીક ટ્રેનો પણ રદ કરવામાં આવશે. આવો જાણીએ આ વિશે વિગતવાર માહિતી.

Mumbai Mega Block: છઠ્ઠા  રૂટના કામ માટે લેવામાં આવી રહ્યો છે નાઈટ બ્લોક

ગોરેગાંવ અને કાંદિવલી વચ્ચે પશ્ચિમ રેલવે લાઇન પર આજે (શનિવાર, 5 ઑક્ટોબર) રાતે 11:00 PM થી 9:00 AM સુધી 10 કલાકનો મેગાબ્લોક હાથ ધરવામાં આવશે. ઉપરાંત, આ જ સમયગાળા દરમિયાન, ગોરેગાંવ અને કાંદિવલી વચ્ચેના અપ ફાસ્ટ રૂટ પર રાત્રે 11:00 થી 3:30 વાગ્યા સુધી બ્લોક લેવામાં આવશે. આ બ્લોક ગોરેગાંવ અને કાંદિવલી સ્ટેશન વચ્ચે છઠ્ઠા  રૂટના કામ ( 6th Line construction ) માટે લેવામાં આવી રહ્યો છે.

આ સમાચાર પણ વાંચો : Indigo down: ઈન્ડિગો એરલાઈનનું નેટવર્ક થયું ઠપ્પ, ચેક ઈનમાં સમસ્યા સર્જાતા એરપોર્ટ પર લાગી મોટી લાઈનો..એરપોર્ટ પર રેલવે સ્ટેશન જેવા દ્રશ્યો દેખાયા; જુઓ વિડીયો

Mumbai Mega Block:  લગભગ 50 ટ્રેનો રદ કરવામાં આવી

આ બ્લોકને કારણે ગોરેગાંવ અને બોરીવલી વચ્ચેની લગભગ 50 ટ્રેનો રદ કરવામાં આવી છે. આ બ્લોક સમયગાળા દરમિયાન, અપ ફાસ્ટ રૂટની તમામ લોકલને બોરીવલી અને અંધેરી વચ્ચે અપ સ્લો રૂટ પર ડાયવર્ટ કરવામાં આવશે. કેટલીક ઉપનગરીય ટ્રેનો રદ કરવામાં આવશે અથવા શોર્ટ ટર્મિનેટ કરવામાં આવશે.  5મી લાઇન પરની તમામ મેઇલ-એક્સપ્રેસ અંધેરી અને બોરીવલી વચ્ચેની ડાઉન એક્સપ્રેસ લાઇન પર દોડશે.