News Continuous Bureau | Mumbai
Mumbai Actress Fraud Case મુંબઈમાં ઓનલાઇન મૂવર્સ એન્ડ પેકર્સના નામે છેતરપિંડી કરતી ટોળકી સામે પોલીસે લાલ આંખ કરી છે. એક જાણીતી અભિનેત્રીનો ઘરવખરીનો સામાન ગાઝિયાબાદ પહોંચાડવાને બદલે તેને હડપ કરી વધારાના નાણાંની માંગણી કરનાર ટોળકીના એક સાગરીતની કુરાર પોલીસે ધરપકડ કરી છે. પોલીસે ચાંદીવલી સ્થિત એક ગોદામમાંથી અભિનેત્રીનો તમામ સામાન સુરક્ષિત રીતે શોધી કાઢ્યો છે. ઘટનાની વિગતો મુજબ, અભિનેત્રીએ પોતાનો સામાન મુંબઈથી ગાઝિયાબાદ મોકલવા માટે ઓનલાઇન પેકર્સ કંપનીનો સંપર્ક કર્યો હતો. ₹11,700 માં સોદો નક્કી થયા બાદ કંપની સામાન ભરી ગઈ હતી, પરંતુ ત્યારબાદ વજન વધી ગયું હોવાનું બહાનું કાઢીને વધુ પૈસાની માંગણી શરૂ કરી હતી. એક મહિના સુધી સામાન ન પહોંચાડતા અને ધમકીઓ મળતા અભિનેત્રીએ પોલીસનો સંપર્ક કર્યો હતો.
સીસીટીવી અને ટેકનિકલ તપાસથી આરોપી ઝડપાયો
કુરાર પોલીસે મામલાની ગંભીરતા જોઈને ટેકનિકલ સર્વેલન્સ અને સીસીટીવી (CCTV) ફૂટેજની તપાસ શરૂ કરી હતી. પોલીસે ટ્રકનું લોકેશન ટ્રેસ કરીને ચાંદીવલી વિસ્તારના એક ગોદામ સુધી પહોંચવામાં સફળતા મેળવી હતી. ત્યાંથી અભિનેત્રીનો તમામ કિંમતી સામાન મળી આવ્યો હતો. પોલીસે આ મામલે એક આરોપીની ધરપકડ કરી છે અને ટોળકીના અન્ય સભ્યોની શોધખોળ તેજ કરી છે.
આ સમાચાર પણ વાંચો: Dadar Taxi Overcharging Case: દાદરમાં ટેક્સી ચાલકોની લૂંટનો પર્દાફાશ: થોડા કિમી માટે ₹2000 પડાવતી ગેંગના 7 સાગરીતો ઝડપાયા, માટુંગા પોલીસની લાલ આંખ.
ઓનલાઇન કંપનીઓ પસંદ કરતા સાવચેત રહેવા અપીલ (Safety Alert)
મુંબઈ પોલીસે આ ઘટના બાદ નાગરિકોને અપીલ કરી છે કે ઓનલાઇન સર્ચ કરીને કોઈપણ પેકર્સ એન્ડ મૂવર્સ કંપનીને સામાન સોંપતા પહેલા તેની વિશ્વસનીયતા અને ઓફિસના સરનામાની ખરાઈ ચોક્કસ કરવી. લોભામણી જાહેરાતો અને સસ્તા ભાવના ચક્કરમાં આવીને કિંમતી સામાન જોખમમાં ન મૂકવો. જો કોઈ આવી રીતે છેતરપિંડી કરે તો તાત્કાલિક પોલીસનો સંપર્ક કરવો.
Join Our WhatsApp Community