News Continuous Bureau | Mumbai
Mumbai Police’s Mega Operation મુંબઈના ગોરેગાંવ (પશ્ચિમ) વિસ્તારમાં ધોળે દિવસે થયેલી ચેઈન સ્નેચિંગની ઘટનાનો મુંબઈ પોલીસે પર્દાફાશ કર્યો છે. ટેકનિકલ તપાસ અને સેંકડો સીસીટીવી ફૂટેજની મદદથી પોલીસે આ ગુનાના મુખ્ય આરોપીને દિલ્હીથી ઝડપી પાડ્યો છે. પોલીસે આરોપી પાસેથી ૧૫ ગ્રામની સોનાની ચેઈન રિકવર કરી છે અને ગેંગના અન્ય સભ્યોની શોધખોળ શરૂ કરી છે.
૩૨૦ સીસીટીવી કેમેરા અને મેગા સર્ચ ઓપરેશન
ઘટનાની વિગતો મુજબ, ગોરેગાંવના એમ.જી. રોડ પર મંથન હોટેલની સામે એક વ્યક્તિની ૧૫ ગ્રામની સોનાની ચેઈન આંચકીને બાઇક સવારો ફરાર થઈ ગયા હતા. આ કેસના ઉકેલ માટે ડેપ્યુટી પોલીસ કમિશનર (ઝોન ૧૧) ના માર્ગદર્શન હેઠળ ખાસ ટીમની રચના કરવામાં આવી હતી. પોલીસે ઘટનાસ્થળથી લઈને આરોપીઓના ભાગવાના માર્ગો પરના આશરે ૩૨૦ જેટલા સરકારી અને ખાનગી CCTV કેમેરાના ફૂટેજ ઝીણવટભરી રીતે તપાસ્યા હતા.
હોટેલ કનેક્શનથી મળ્યો સચોટ સુરાગ
તપાસ દરમિયાન પોલીસને એક મહત્વનું ‘હોટેલ કનેક્શન’ મળ્યું હતું. જાણવા મળ્યું કે ગુનાને અંજામ આપતા પહેલા આરોપીઓ ગોરેગાંવની જ એક સ્થાનિક હોટેલમાં રોકાયા હતા. હોટેલમાં જમા કરાવેલા આઈડી પ્રૂફ અને મોબાઈલ લોકેશનના આધારે પોલીસને સચોટ કડીઓ મળી હતી. આ સુરાગની મદદથી મુંબઈ પોલીસની ટીમ છેક દિલ્હી સુધી પહોંચવામાં સફળ રહી હતી.
આ સમાચાર પણ વાંચો : Mumbai-Nashik Investment Fraud: ₹10 કરોડના ઇન્વેસ્ટમેન્ટ ફ્રોડમાં EOW ના દરોડા; સરગવાની ખેતીના નામે 150 થી વધુ લોકો છેતરાયા.
દિલ્હીના રોહિણી વિસ્તારમાંથી ધરપકડ
મુંબઈ પોલીસની ટીમે દિલ્હીના રોહિણી સેક્ટર ૨૪માં સ્થાનિક પોલીસની મદદથી છટકું ગોઠવી ૨૩ વર્ષીય આરોપીની ધરપકડ કરી હતી. આરોપીએ પૂછપરછ દરમિયાન ગુનાની કબૂલાત કરી છે અને તેની પાસેથી ચોરાયેલી સોનાની ચેઈન પણ કબજે કરવામાં આવી છે. હાલમાં આ ગેંગના અન્ય બે ફરાર સભ્યોને પકડવા માટે ચક્રો ગતિમાન કરવામાં આવ્યા છે. મુંબઈ પોલીસે આંતરરાજ્ય ગેંગના સભ્યને પકડીને મોટી સફળતા મેળવી છે.
