News Continuous Bureau | Mumbai
મહારાષ્ટ્રના સૌથી વ્યસ્ત પરિવહન માર્ગો પૈકીના એક એવા મુંબઈ-પુણે એક્સપ્રેસવે પર મુસાફરી ટૂંક સમયમાં મોંઘી થઈ જશે. કારણ કે, નવા નાણાકીય વર્ષની શરૂઆતથી એટલે કે 1લી એપ્રિલ 2023થી ટોલની રકમમાં 18 ટકાનો વધારો થશે.
આ વધારો 2004માં જાહેર બાંધકામ વિભાગ દ્વારા જારી કરાયેલા નોટિફિકેશન હેઠળ કરવામાં આવશે. આ નોટિફિકેશન મુજબ મુંબઈ-પુણે એક્સપ્રેસ વે પર દર ત્રણ વર્ષે ટોલની રકમમાં 18 ટકાનો વધારો કરવામાં આવે છે. અગાઉ 1 એપ્રિલ, 2020 ના રોજ વધારો થયો હતો. જો કે, MSRDCએ માહિતી આપી છે કે આ દરો હવે 2023થી લાગુ થશે.
મુંબઈ અને પુણેના બે મહાનગરોને જોડતો આ માર્ગ ટ્રાફિકની દૃષ્ટિએ ખૂબ જ મહત્વપૂર્ણ છે. જેના કારણે અનેક વખત આ માર્ગ પર ટ્રાફિક જામના કારણે મુસાફરોને હાલાકી ભોગવવી પડે છે. આ રોડ પર અનેક અકસ્માતો થયા છે. જેથી આ માર્ગ અંગે સતત ચર્ચા થતી જોવા મળી રહી છે.
આ સમાચાર પણ વાંચો : 1 લાખ રૂપિયા અને બે વર્ષની જેલ… બેંક કર્મચારીની આધાર સાથે બેંક એકાઉન્ટ જોડવાની ભૂલ કર્મચારીને ભારે પડી, જાણો પૂરો મામલો….
- વાહનનો પ્રકાર વર્તમાન દર નવા દર
- ફોર વ્હીલર 270 320
- ટેમ્પો 420 495
- ટ્રક 580 685
- બસ 797 940
- ત્રણ એક્સેલ 1380 1630
- એમ એક્સેલ 1835 2165
