News Continuous Bureau | Mumbai
Mumbai water cut : મુંબઈગરાઓને નવા વર્ષ 2024ના પ્રથમ સપ્તાહમાં જ પાણી કાપ ( water cut ) નો સામનો કરવો પડશે. મુંબઈ મહાનગર પાલિકા ( BMC ) એ 24 કલાકના પાણી કાપની જાહેરાત કરી છે. બૃહન્મુંબઈ મ્યુનિસિપલ કોર્પોરેશન (BMC) દ્વારા પાઈપલાઈન સમારકામ ( waterline repairing work ) ના કામને કારણે 4 અને 5 જાન્યુઆરીએ શહેરના વિવિધ વિસ્તારોમાં પાણી નહીં આવે.
મુંબઈ મહાનગર પાલિકા એ જણાવ્યું કે આવતીકાલે એટલે કે 4 અને 5 જાન્યુઆરીએ મુંબઈ ( Mumbai ) ના A, C, D, E, G-North, G-South, L, S, H-પૂર્વ અને H-પશ્ચિમ વૉર્ડમાં 24 કલાક પાણી પુરવઠાને અસર થશે. આનાથી મલબાર હિલ, દાદર, લોઅર પરેલ, કુર્લા અને પવઈ સહિત મુંબઈ શહેર અને ઉપનગરોના ઘણા ભાગોમાં પાણી પુરવઠાને અસર થશે.
પાણીકાપ કેમ મુકાશે?
BMCએ પરિપત્ર માં જણાવ્યું કે પવઈ વેન્તુરી ખાતે અપર વૈત્રાણા અને વૈતરણા વચ્ચે 900 મી.મી. વ્યાસની પાણીની લાઇન કનેક્શનમાં લીકેજ અટકાવવા માટે મુખ્ય વિતરણ લાઈનને સમાનીકરણ બિંદુ ભાંડુપ સંકુલથી મરોશી ટનલ સુધી ખાલી કરવાની છે. ગુરુવારે સવારે 10 વાગ્યાથી શુક્રવાર સવારે 10 વાગ્યા સુધી 24 કલાક આ પાણીની લાઈનને ખાલી કરવાની અને રિપેર કરવાની કામગીરી હાથ ધરવામાં આવશે. આ કારણે કુર્લા, વિક્રોલી ભાંડુપ, માલાબાર હિલ, આઝાદ મેદાન, બાંદ્રા, મહાલક્ષ્મી, ચાંદીવલી, પવઈ વગેરેમાં પાણી પુરવઠો બંધ થઈ જશે. જોકે, પાલિકાના પાણી વિભાગે નાગરિકોને રિપેરિંગના સમયગાળા દરમિયાન તેનો સાવધાનીપૂર્વક ઉપયોગ કરવા અપીલ કરી છે.
કયા વિસ્તારોમાં પાણીકાપ મૂકવામાં આવશે?
A વિભાગ – માલાબાર હિલ અને આઝાદ મેદાન જળાશયમાંથી પાણી પુરવઠા સાથે ‘A’ ડિવિઝનના તમામ વિસ્તારોમાં (ગુરુવાર 04.01.2024 સવારે 10.00 વાગ્યાથી શુક્રવાર 05.01.2024 સવારે 10.00 વાગ્યા સુધીના 24 કલાક માટે) પાણી પુરવઠામાં 10 ટકાનો ઘટાડો કરવામાં આવશે. .
સી વિભાગ – માલાબાર હિલ અને આઝાદ મેદાન જળાશયમાંથી પાણી પુરવઠા સાથે ‘C’ ડિવિઝનના તમામ વિસ્તારોમાં (ગુરુવાર 04.01.2024 સવારે 10.00 વાગ્યાથી શુક્રવાર 05.01.2024 સવારે 10.00 વાગ્યા સુધીના 24 કલાક માટે) પાણી પુરવઠામાં 10 ટકાનો ઘટાડો કરવામાં આવશે.
ડી વિભાગ – માલાબાર હિલ જળાશયમાંથી સીધા પાણી પુરવઠા સાથે ‘ડી’ વિભાગના તમામ વિસ્તારોમાં પાણી પુરવઠામાં 10 ટકાનો ઘટાડો (ગુરુવાર 04.01.2024 સવારે 10.00 વાગ્યાથી શુક્રવાર 05.01.2024 સવારે 10.00 વાગ્યા સુધીના 24 કલાક માટે) કરવામાં આવશે.
આ સમાચાર પણ વાંચો : Skin care : ચહેરાનો ખોવાયેલી ચમક પાછી લાવી છે, તો આ રીતે કરો મુલતાની માટીનો ઉપયોગ..
E વિભાગ – રેસ કોર્સ ટનલ શાફ્ટમાંથી પૂરા પાડવામાં આવતા E વિભાગના તમામ વિસ્તારોમાં પાણીના પુરવઠામાં 10 ટકાનો ઘટાડો (ગુરુવાર 04.01.2024 સવારે 10.00 વાગ્યાથી શુક્રવાર 05.01.2024 સવારે 10.00 વાગ્યા સુધીના 24 કલાક માટે) કરવામાં આવશે.
જી ઉત્તર અને જી દક્ષિણ વિભાગ – જી/ઉત્તર અને જી/દક્ષિણ વિભાગના તમામ વિસ્તારો કે જેઓ સીધો પાણી પુરવઠો મેળવે છે અને વરલી હિલ જળાશયમાંથી પાણી પુરવઠો મેળવતા જી/દક્ષિણ વિભાગના તમામ વિસ્તારોમાં (ગુરુવાર 04.01.2024 સવારે 10.00 વાગ્યાથી શુક્રવાર 05.00.2024 સુધી ) પાણી પુરવઠામાં 10 ટકાનો ઘટાડો થશે.
L વિભાગ – નીચેના વિસ્તારોમાં ગુરુવાર 04.01.2024 સવારે 10.00 વાગ્યાથી શુક્રવાર 05.01.2024 સવારે 10.00 વાગ્યા સુધી 24 કલાક માટે પાણી પુરવઠો સંપૂર્ણપણે બંધ રહેશે.
60 કોર્ડ મુખ્ય વેન્ચુરી સપ્લાય – બીટ નંબર. 156 – અપર તુંગા, લોઅર તુંગા, મારવા, રાહેજા વિહાર, ચાંદીવલી ફાર્મ રોડ, સાકી વિહાર રોડ, સાકીનાકા.
બીટ નં. 157 – રામબાગ રોડ, સાકીનાકા, ચાંદીવલી ફાર્મ રોડ, નાહર અમૃત શક્તિ, IRB રોડ, સંઘર્ષ નગર.
બીટ નં. 158 – ખૈરાની રોડ, મોહિલી પાઇપ લાઇન રોડ
એસ ડિવિઝન – નીચે જણાવેલ વિસ્તારમાં 4.01.2024 ને ગુરુવારે બપોરે 12.00 થી 04.00 વાગ્યા સુધી પાણી પુરવઠો સંપૂર્ણપણે બંધ રહેશે.
આઈ આઈ ટી. પવઈ વિસ્તાર (રામબાગ) – મ્હાડા જલવાયુ વિહાર, રાણે સોસાયટી, હિરાનંદાની પવઈ, પંચકુટીર, તિરાંદાજ ગાવથાન, સાઈનાથ નગર, ગોખલે નગર, ગરીબ નગર, ચૈતન્ય નગર, મહાત્મા ફુલે નગર, મોરારજી કમ્પાઉન્ડ, રમાબાઈ નગર, હરિઓમ નગર, સ્વામી નગર, ગૌતમ નગર, ઈન્દિરા નગર વગેરે.
H પૂર્વ વિભાગ – H/પૂર્વ વિભાગના તમામ વિસ્તારોમાં ગુરુવાર 04.01.2024 સવારે 10.00 વાગ્યાથી શુક્રવાર 05.01.2024 સવારે 10.00 વાગ્યા સુધી 24 કલાક માટે પાણી પુરવઠામાં 10 ટકાનો ઘટાડો થશે.
H પશ્ચિમ વિભાગ – H/પશ્ચિમ વિભાગના તમામ વિસ્તારોમાં ગુરુવાર 04.01.2024 સવારે 10.00 વાગ્યાથી શુક્રવાર 05.01.2024 સવારે 10.00 વાગ્યા સુધી 24 કલાક માટે પાણી પુરવઠામાં 10 ટકાનો ઘટાડો થશે.
આ પાણીની લાઈનના સમારકામ દરમિયાન પાણી ઓછું થશે અને કેટલીક જગ્યાએ પાણીનું દબાણ ઓછું રહેશે. આ પાણી ઘટાડા દરમિયાન, જળાશયના સ્તરને ધ્યાનમાં રાખીને જરૂર પડ્યે વિભાગવાર પાણીના સમયમાં ફેરફાર કરવામાં આવશે. તેથી વહીવટીતંત્ર પાણીનો સંયમપૂર્વક ઉપયોગ કરવા અને મહાનગરપાલિકાને સહકાર આપવા અપીલ કરી છે.
