News Continuous Bureau | Mumbai
Akasa Air emergency exit મુંબઈ: વારાણસીથી મુંબઈ જઈ રહેલી અકાસા એર ની ફ્લાઇટમાં એક મુસાફરે ટેકઓફ પહેલા વિમાનનો ઇમરજન્સી એક્ઝિટ ખોલવાનો પ્રયાસ કરતાં ભારે હોબાળો થયો હતો. આ મુસાફરની સુરક્ષા કર્મચારીઓ દ્વારા તાત્કાલિક અટકાયત કરવામાં આવી હતી.
અટકાયત કરાયેલા મુસાફર જૌનપુર જિલ્લાના ગૌરા બાદશાહપુરનો રહેવાસી છે. મુસાફર ની આ હરકતને કારણે વિમાનના ઉડ્ડયનમાં વિલંબ થયો હતો. જોકે, સંપૂર્ણ સુરક્ષા મંજૂરી મળ્યા બાદ, વિમાન એક કલાકના વિલંબ સાથે મુંબઈ જવા રવાના થયું હતું.
અધિકારીઓએ આપેલી માહિતી મુજબ, અકાસા એરનું વિમાન વારાણસીના લાલ બહાદુર શાસ્ત્રી આંતરરાષ્ટ્રીય એરપોર્ટ પરથી મુંબઈ જવા માટે તૈયાર હતું. વિમાન રનવે તરફ જઈ રહ્યું હતું તે જ સમયે મુસાફર એ ઇમરજન્સી એક્ઝિટ ખોલવાનો પ્રયાસ કર્યો હતો. કેબિન ક્રૂ દ્વારા તરત જ પાયલોટને એલર્ટ કરવામાં આવતાં, પાયલોટે એર ટ્રાફિક કંટ્રોલ (ATC)ને જાણ કરી અને વિમાનને પાછું એપ્રન પર લાવવામાં આવ્યું હતું.
આ સમાચાર પણ વાંચો : Amit Satam: “કહો, આ મતચોરી છે કે વોટ જિહાદ?”; ભાજપનો વિપક્ષને કટાક્ષભર્યો સવાલ, આપ્યા આંકડા
સુરક્ષાકર્મીઓએ તમામ મુસાફરોને સુરક્ષિત રીતે વિમાનમાંથી નીચે ઉતાર્યા અને તે વ્યક્તિને પૂછપરછ માટે કસ્ટડીમાં લીધો. સ્ટેશન હાઉસ ઓફિસર ના જણાવ્યા મુજબ, વિમાનના અન્ય મુસાફરો દ્વારા આપવામાં આવેલી માહિતી મુજબ, તે વ્યક્તિએ માત્ર કુતૂહલવશ જ એક્ઝિટ ખોલવાનો પ્રયાસ કર્યો હતો સુરક્ષા મંજૂરી મળ્યા બાદ વિમાન વારાણસીથી મુંબઈ જવા રવાના થયું હતું.
